Зошто некои луѓе имаат потреба од дремка во текот на денот и зошто тоа е добро?

Се верува дека дремењето постоело и кај нашите најдалечни предци, а изгледа дека оваа „активност“ не е никакво губење време - напротив, носи многу придобивки.

Ако не вие, тогаш сигурно познавате барем една личност која сака да си дремне во текот на денот.

Додека за некои луѓе дремењето е само губење време, за други може да биде неопходно. А, дремењето и не е така бесполезно и всушност може да ви биде од голема корист.

Зошто некои луѓе мораат да дремат и кои се придобивките од тоа?

Донекаде одговорни се гените

Според резултатите од истражување објавено во Nature, потребата за дремка во текот на денот може да зависи и од гените.

Истовремено, потребата за дремење може да потекнува и од начинот на спиење во текот на ноќта. Односно, ако некој не може да спие многу навечер, во текот на денот е поверојатно да почувствува потреба за дремка.

Дремењето е добро и за децата, и за возрасните

Се претпоставува дека кај децата, дремката во текот на денот ја подобрува меморијата и им помага во процесот на учење нови нешта.

Слично е и кај возрасните – меморијата се подобрува и подобро се анализираат собраните информации.

Намален замор

Ова е најочигледна придобивка од дремката – само 20-тина минути ќе ви помогнат да се чувствуваат посвежо и поодморено, а со тоа и да размислувате подобро и да бидете попродуктивни. 

Зголемена креативност

Кога сте уморни, страдаат и креативноста, и продуктивноста. А, бидејќи дремката ќе ви помогне да се чувствувате поодморено, тоа значи дека има позитивно влијание и на овие нешта.

Продолжува на следната страница...