Скролање на телефон додека се во тоалет и уште 9 најлоши навики на луѓето (од кои се срамат)

Користење псовки, гризење нокти, скролање на телефон додека сме во тоалет… Кои се вашите најлоши навики од кои се срамите?

На Reddit се појави интересна дискусија за тоа кои се најлошите навики што луѓето ги прават, од коишто се срамат, но едноставно не можат да се откажат од нив.

„Која е вашата најлоша навика од која не можете да се одвикнете, а со сигурност ја презирате?“ – е насловот на дискусијата отворена на оваа социјална мрежа.

Според човекот што ја започна дискусијата тој има проблем со користење на изразот п**ер како навреда, а еве од кои навики се срамат останатите:

„Трошам премногу време на скролање на телефонот.“

„Тоа што јадам грицки по вечерата додека не почувствувам дека стомакот ми е преполн. За среќа трчам многу па не се здебелувам, но постојано си ветувам дека тоа е последен пат.“

„Тоа што ги грицкам ноктите. Се обидов на секој начин да престанам.“

„Го чепкам носот. Ве молам не ме обвинувајте.“

„Тоа што постојано ги одложувам работите. Секоја вечер си легнувам и велам 'од утре ќе биде поинаку, сè што треба ќе завршам'. Никогаш не го правам тоа.“

„Тоа што користам премногу псовки. Додека растев постојано ме критикуваа, а денес имам 30 години и мајка ми сè уште ме опоменува.“

„Постојано морам да ги крцкам коските: прсти, зглобови, грб, врат, колена…“

„Тоа што постојано морам да доминирам во секој разговор. Свесeн сум дека го правам тоа и ги нервирам другите околу мене, но не можам да престанам. Понекогаш само сакам да можам да замолкнам и да слушам.“

„Тоа што се расправам со луѓе на социјалните мрежи. Не можам да се воздржам, кога ќе видам некои глупави коментари морам да им вратам.“

„Бев во тоалет и скролав на телефон кога го видов вашиот коментар и сега ви пишувам.“

Б. С. Б. | Црнобело

фото: depositphotos.com / freepik.com