10 појадоци од земјите ширум светот што веднаш ќе сакате да ги пробате

Вафли од Белгија, syrinki од Русија и churros од Шпанија се само дел од појадоците од земјите ширум светот кои вреди да ги пробате барем еднаш.

фото: Инстаграм

Во модерното општество, појадокот во многу земји во светот е речиси ист. Јајцата, житариците, печивата и овесните каши се можеби најпопуларниот избор за појадок во повеќето држави.

Сепак, во минатото секоја држава си имала посебни оброци за појадок, а дел од нив се популарни и денес.

Веруваме дека сте слушнале за обилниот англиски појадок кој содржи пржени јајца, двопек, колбаси, па дури и сланина, но дали знаете како изгледаат појадоците во други земји, како Венецуела или Египет?

10 вкусни појадоци од земјите ширум светот што сигурно ќе сакате да ги пробате:

Arepa – Венецуела

Arepa е вид лепче направено од пченкарно брашно кое е популарен избор за појадок во Венецуела, но и Колумбија.

Оваа храна можете да ја сретнете и во други земји, како Боливија и Панама.

Тестото се прави од пченкарно брашно, а потоа се подготвува на разни начини – се пече, се пржи или се вари.

Во зависност од областа (но и земјата) рецептот може да варира.

Во Венецуела лепчињата обично се прават подебели, па потоа се сечат на половина и од нив се прави сендвич.

Silog – Филипини

Овој филипински појадок главно содржи пржен ориз и пржено јајце. Со него се служат и додатоци како сланина или други видови месо.

На Филипините можете да најдете безброј варијанти на ова јадење и бидејќи оризот и јајцата лесно се комбинираат со друга храна, можете да додавате што сакате.

Menemen – Турција

Ова популарно јадење во Турција се јаде и за појадок, но и за ручек.

Се прави со јајца, домати, пиперки, зачини и маслиново масло.

Некогаш се додава и кромид, но најчесто само кога јадењето се приготвува за ручек, а не за појадок.

Ful medames – Египет

Покрај Египет, ова јадење е доста популарно и во Либан.

Главната состојка е таканаречениот фава грав, кој се приготвува со маслиново масло, ким, магдонос, лук, кромид, лимонов сок и зачини.

Некогаш се додаваат и други зеленчуци.

Syrniki – Русија

Ова јадење е популарно и во други земји од Источна Европа, но потекнува од Русија.

Станува збор за вид палачинки кои се прават со јајца, брашно, шеќер и урда. Некогаш се додава и екстракт од ванила.

Овие палачинки најчесто се јадат со мед, мармалад и свежо овошје.

Продолжува на следната страница...