Девојка од Црна Гора со моќна објава: Зошто наместо петарди, годинава да купите храна за куче скитник?

Младата црногорска уметница Адријана Вешовиќ или позната како @zombijana на Инстаграм, секогаш ни го разубавува денот со позитивни или смешни објави, а сега пред празниците објави една одлична порака со цел подигнување на свеста за употребата на петарди. 

Со доаѓањето на новогодишните празници се зголемува и продажбата на петардите кои предизвикуваат загадување на воздухот и непотребна врева, а може да влијаат многу лошо на луѓето со нарушувања поврзани со срцето, респираторниот и нервниот систем.

Освен тоа, можат да ги повредат и животните скитници, па затоа оваа година наместо петарди, купете храна за кучињата и мачките скитници и стоплете го и нивното срце во овие студени месеци. Освен што тие ќе добијат храна, вие ќе добиете многу љубов!

Таа преку нејзината објава на Инстаграм, споредува што добиваме кога ќе купиме храна за кучињата скитници, а што кога ќе купиме петарди.

Објавата гласи:

Наместо петарди, купи храна за куче скитник!

Кога купуваш храната за кучињата скитници, добиваш:

• Гратис мавтање со опавчето
• Среќни очиња
• Го храниш кучето, кое инаку е гладно и смрзнато
• Обострана среќа и задоволство
• 1 поен плус на скалата за мерење емпатија

Кога купуваш петарди:

• Гледаш експлозија од своите пари
• Слушаш врева
• Има непријатен мирис
• Мали срцеви удари
• Потенцијални физички повреди

M. Г. | Црнобело / фото: Инстаграм