Работи со кои несвесно му предизвикувате стрес и анксиозност на вашето куче, според ветеринари

Облека за кучиња

Можеби кучињата изгледаат слатко кога се облечени, но повеќето се чувствуваат непријатно.

„Многу кучиња не сакаат да носат облека бидејќи не им е природна и им го ограничува движењето“.

Ако вашето куче не сака да носи облека, не го присилувајте. Доколку не прави проблем, избегнувајте облека која е тесна и која му го ограничува движењето на нозете или опашката.

Нов вид храна

Во овој случај кучето нема да биде под стрес, но доколку има чувствителен стомак, можат да настанат дигестивни проблеми.

Кога сакате да му дадете нов вид храна на кучето, Џесика Кирк советува да го правите тоа постепено.

Дајте му малку и видете како реагира. Ако не се појават дигестивни проблеми, дури тогаш дајте му цела порција.

Пушење

Поради силното сетило за мирис, пушењето во близина на вашето куче може да биде стресно за него.

„Кучињата имаат многу развиено сетило за мирис, па она што има слаб мирис за нас, за нив може да биде интензивно и непријатно“ - вели ветеринарот Перез Камарго.

Тој додава и дека честата изложеност на чад од цигари може да предизвика здравствени проблеми кај кучето, особено со респираторниот систем.

Патување

На некои кучиња не им е проблем да патуваат. Но, патувањата можат да бидат стресни за оние кои не се навикнати.

„За многу кучиња, патувањето е стресно. Треба да се справуваат со нови мириси, нови глетки и нови околини. Само затоа што вие сте со него, не значи дека вашето куче не е загрижено“.

Ако првпат одите на патување со вашето куче, неколку денови претходно почнете да го возите во автомобилот на помали растојанија за да се навикне.

Кога ќе тргнете на пат, осигурете се дека ќе понесете доволно храна, но и играчки, кои ќе му помогнат да се смири.

Неочекувано галење кај постари кучиња

„Кога кучето почнува да ги губи видот и слухот бидејќи старее, многу полесно се плаши. Дури и најмирните кучиња можат да изреагираат бурно ако бидат допрени ненадејно“ - вели Мери Гарднер.

Ако имате постаро куче, осигурете се дека ќе ве види пред да го допрете. Исто така, Мери советува да избегнувате да му ги допирате нозете и шепите.

Спирова С. | Црнобело