Дали вашето куче спие добро + како да му го подобрите квалитетот на сонот?

Осигурете се дека е доволно физички активно и не дозволувајте да спие во многу студена или многу топла соба – треба да обрнете внимание на некои работи ако сакате вашето куче да има квалитетен сон.

На возрасните кучиња им се потребни од осум до околу 14 часа сон. Генерално спијат навечер, а дремат и во текот на денот.

Старите кучиња почесто се будат навечер, па поради ова во текот на денот минуваат повеќе време во спиење.

Како кај луѓето, сонот е особено важен и за кучињата.

Но, вашето куче не може да ви каже дека не спие добро, па вие треба да обрнувате внимание на симптомите.

Направени се малку истражувања за недостаток од спиење кај кучиња, но постојат некои знаци кои се очигледни.

Овие знаци се слични како и симптомите кои се јавуваат кај луѓето:

• Поизразени реакции на стресни ситуации
• Раздразливост и променливо расположение
• Проблеми со сеќавањето

Како да го подобрите квалитетот на сонот на вашето куче?

Физичка активност

Трчањето, играњето и прошетките ќе му помогнат на кучето да ја истроши енергијата, и со тоа полесно да заспие навечер.

Па, осигурете се дека вашето куче ќе има можност да се истрча барем еднаш дневно.

Намалете ја вревата

Како луѓето, и на кучињата им пречи врева кога спијат.

Ако вие останувате во дневната соба до доцна и правите врева, тогаш наместете му креветче на кучето во друга, потивка соба.

Не заборавајте дека кучињата имаат посилно сетило за слух од луѓето, па и вревата што е тивка за нас може да им го нарушува сонот.

Обрнете внимание на температурата во собата

Ако кучето спие во многу студена или многу топла просторија, дефинитивно ќе има нарушен сон.

За кучињата идеална температура за спиење е од 23 до 25 степени Целзиусови.

Исто така, важно е кучето да има свое креветче (или барем ќебе), а не да спие на плочки, паркет и слично.

Воспоставете рутина

Повторно исто како луѓето, и за кучињата е важно да имаат рутина на спиење.

Односно, да си легнуваат и да се будат во релативно исто време.

Ова значи дека кога ќе му дојде на кучето време за спиење, оставете го да спие.

Два оброка дневно

Генерално, кучињата треба да јадат два оброка дневно, на околу 12 часа.

Кучето не треба да биде без храна повеќе од 12 часа бидејќи можат да му се јават проблеми со дигестивниот систем, а со тоа да се наруши и квалитетот на сонот.

Во ред е да му давате и по три оброци дневно, само помали.

Количината храна што треба да ја изеде зависи од расата и големината на кучето, па за ова најдобро е да се консултирате со ветеринар.

Спирова С. | Црнобело