10 грешки со кои ѝ наштетувате на вашата мачка (и ѝ го загрозувате животот)

Не ја стерилизирате, не внимавате на големината на порциите и ѝ дозволувате да си игра агресивно со вас.

Мачките се миленик кој не бара многу грижа.

Потребно е само редовно да им го чистите песокот, и да им давате храна, вода и, секако, многу љубов.

Сепак, без разлика што се независни животни, мора да обрнете внимание на некои работи за да ги заштитите.

Грешки со кои можете да ѝ наштетите на вашата мачка:

Не ја стерилизирате

Ако ја пуштате мачката надвор, препорачливо е да ја стерилизирате за да не се раѓаат мачиња кои ќе завршат на улица.

Исто така, мачките се територијални животни, па ако имате мачор, а не го стерилизирате, низ домот ќе си одбележува територија со урина, а може да биде и поагресивен.

Кај мачорите, кастрирањето го намалува и ризикот од одредени болести, како рак на тестисите.

Кај мачките, пак, го намалува ризикот од инфекции на матката и други болести, а и не заборавајте дека бременоста кај мачките не е без ризик.

Денес стеризлирацијата на миленици е рутинска и потполно безбедна операција и мачките закрепнуваат мошне брзо.

Не обрнувате внимание на здравствената состојба

Ако забележите промени во однесувањето на мачката, никогаш немојте да го игнорирате.

Ако, на пример, мачката е полетаргична или јаде помалку или е поагресивна, голема е веројатноста да има некој проблем.

Па, секојпат кога ќе воочите промена, консултирајте се со ветеринар.

Не внимавате на големината на порциите

И мачките се склони кон дебелина која, пак, може да биде причина за низа проблеми со здравјето.

Немојте да ја одредувате порцијата според амбалажата на храната бидејќи не сите мачки се исти.

Големината на порциите се одредува според возраста, полот, нивото на активност и големината на мачката, па за ова е најдобро да се консултирате со ветеринар.

Не ѝ ја менувате водата редовно

Многу сопственици имаат забележано дека мачките сакаат да пијат вода од тоалетната школка, наместо од нивниот сад.

Некогаш мачките чекаат и да им пуштите вода од чешмата.

Причината е тоа што тие сакаат свежа вода, па кога не им ја менувате редовно, нема воопшто да пијат.

Потрудете се да ја менувате водата барем двапати дневно и секој ден мијте го садот.

Не го чистите садот за храна

Дури и ако ѝ давате само сува храна на мачката, важно е да го миете садот по секој оброк.

Бидејќи садот стои на собна температура, на него лесно можат да се размножат бактерии кои, пак, можат да предизвикаат низа здравствени проблеми кај мачката.

Продолжува на следната страница...