10 грешки со кои ѝ наштетувате на вашата мачка (и ѝ го загрозувате животот)

Ја облекувате

За разлика од кучињата, кај кои постојат и раси што треба да ги облечете кога е студено, мачките не поднесуваат облека.

Можеби изгледаат слатко, но облеката ги иритира, од неа може да им е многу топло, а и може да им пречи мирисот бидејќи не е нивен.

Па, најдобро прескокнете ја облеката за мачки.

Не ѝ ставајте ни ремче ако забележите дека пробува да го извади.

Не си играте со неа

Сите мачки сакаат да си играат, без разлика на возраста.

Ако не ја пуштате мачката надвор, важно е преку игра да ѝ ја овозможите соодветната ментална стимулација.

Во спротивно, мачката може да стане летаргична, но и депресивна.

Ѝ дозволувате да ве гризе

Додека се мали, мачињата си играат со гризење и гребење, но не треба да ја учите мачката да ве гризе и вам.

Односно, ако ѝ дозволувате да ви ја гризе раката, таа ќе мисли дека тоа е прифатливо однесување и некогаш може и да ве повреди.

Ја казнувате

Точно е дека мачките се своеглави, но казнувањето со викање и удирање нема да биде од помош.

Со ова таа само ќе се плаши од вас, а кога вие нема да ја гледате, таа повторно ќе си ја направи истата беља.

Секојпат кога мачката прави нешто погрешно, подобро е да ѝ го одвлечете вниманието кон нешто друго.

И, со текот на времето ќе научи.

Не обрнувате внимание на нејзината безбедност

Мачките се љубопитни и ќе го истражат секој дел од домот.

Па, осигурете се дека на дофат нема да им биде нешто што е опасно за нив.

Ако имате растенија, добро проверете дали се токсични, бидејќи мачките неретко ги грицкаат.

На безбедно место чувајте и лекови, средства за чистење, продукти за убавина и слично.

Внимавајте и на некои намирници, како чоколадо, кафе, храна со грозје или кромид – сето ова се работи што можат да бидат токсични за нив.

Ако сакате да ѝ дадете на мачката од вашата храна, прво секогаш проверете на интернет дали е безбедна за неа.

Спирова С. | Црнобело