Јоркширски териер - кутре кое ќе ви даде искрена љубов, радост и лојалност

Јоркширскиот териер е куче кое ќе го обожавате и многу лесно ќе ви прирасне за срцето и семејството, засекогаш.

Ако барате интелигентно, независно и храбро кутре кое ќе ви влезе под кожа со неверојатна брзина, ви предлагаме да и кажете добредојде на оваа раса.

Јоркширскиот териер има потекло од Англија, а како раса е познат од средината на 10 век, кога луѓето ги тренирале да бидат мали ловци.

Со текот на времето нивната првична намена се изгубила, но гените останале непроменети. Јоркот е енергично кутре, жедно за авантура, но неретко непријателски настроен кон странци кои се доближуваат на неговиот сопственик.

Овие лојални и малечки кутриња не се свесни за својата големина, па немаат проблем да се пуштат во борба со значително поголеми раси, а притоа се и доста гласни кога се борат за нешто.

Поседуваат огромен дијапазон на различни звуци кои може да ги препознаат дури од неколку километри.

Јоркширскиот териер е идеално домашно милениче, посебно за мали простории, затоа што не бараа многу труд и време за негово одржување.

Речиси и да не испушта влакна, релативно малку јаде, лесно и брзо се воспитува и не бара преголем простор. Нивната прошетка трае 20тина минути дневно, што е одлично за оние кои сакаат кратки и ефективни прошетки.

Неговиот животен век трае околу 15 година.

Важно е да знаете дека колку што Јоркот е поголем, толку е пофлегматичен и има подобар карактер. Тој е разигран и нежен, добар чувар кој ужива со семејството.

Јоркширскиот териер секогаш е во потрага по внимание и љубов, па затоа важи за одлично семејно милениче, неверојатно приврзано за сопствениците и дечињата.

Едно е сигурно: ќе уживате во животот со овие бескрајно искрени и забавни кутриња!