Еже: милениче кое никогаш не ви текнало дека може да го чувате

Одамна посакувате ново домашно пријателче, но не знаете што сакате да чувате? Едноставно не сте подготвени за одговорноста и посветеноста која треба да му ја пружите на кучето, но сепак ги посакувате топлината и љубовта кои можете да ги добиете од миленикот?

Посакувате нешто мало, но не глушец или хрчак. Постои поинакво решение за вас. Чувајте еж.

Нивното одгледување не бара огромна посветеност ниту пак, средства. Што се однесува до нивната исхрана, во текот на месецот ќе ви биде потребно малку зрнеста храна за мачки, а за останатото сами ќе се погрижат. Покрај нив, повеќе нема да ги имате досадните и страшни муви, комарци или пајаци во домот.

Не им е потребно шетање, ниту пак некое особено тренирање. Она што им е потребно е тркало за трчање и место за одмор. Местото за одмор треба да биде скришна и затворена просторија која ќе им овозможува сигурност во текот денот. Да! Токму така. Овие мали животинки се „ноќни птици“ па во текот на денот најчесто ќе ги будите од нивната слатка дремка.

Нивната хигиена бара од вас само вода, малку бебешки шампон и четка за заби. Подигнете ги во вашите раце, пуштете млака вода во мијалникот и лесно четкајте ги игличките.

Мало предупредување: внимавајте на игличките! Доколку имаат потреба да се заштитат себеси, тие ќе се склопчат во мала бодликава топка и нема да внимаваат на вашите раце.

Уживајте во нивниот сладок изглед и топчести црни очиња.