Мајчиниот допир лекува дури и во животинското царство

Една фотографија - 1000 зборови. Или во случајов посоодветно би било - 1000 емоции.

31-годишниот фотограф Авинаш Лодхи се нашол во вистинското време на вистинското место и успеал засекогаш да ги овековечи емоциите на мајката мајмунка која го држи во прегратка безживотното тело на мајмунчето кое се онесвестило.

Фотографот кој го „уловил“ неверојатниот настан со објективот во Јабалфур, Индија вели дека фотката му е многу блиска до срце, бидејќи во текое на целата негова кариера не видел ништо слично.

Сé се случило толку брзо, онесвестувањето на мајмунчето, очајот и болката на неговата мајка додека го држела во прегратка, а некоја минутка подоцна тоа ги отворило очите.

„Ваквиот момент е реткост, особено во светот на животните. Молчев еден час откако ја направив фотографијата“, изјавил Авинаш трогнат од емоциите и љубовта на една мајка.

(O)Милена | Црнобело