Мачки во канцеларија - терапија против стрес на работа


Мачки во канцеларија - терапија против стрес на работа

Во Јапонија, земјата каде компаниите се познати по долгото работно време и мошне стресната хиерархиска дисциплина, една фирма пронајде делотворна терапија за намалување на стресот – мачки.

machki-vo-kancelarija-terapija-protiv-stres-na-rabota-1.jpg

Во малата токиска канцеларија на информатичката фирма „Ferray“, девет мачки скокаат на колениците на вработените, си шетаат врз тастатурите, спијат, јадат и слободно се движат низ просторијата.

Директорот на компанијата, Хиденобу Фукуда, ја вовел политиката за „мачки во канцеларија“ во 2000-та година, на барање на еден од неговите соработници, дозволувајќи им на вработените да дојдат со својата мачка на работа. Воедно, овој љубител на животните му нуди по 5000 јени (40 евра) месечно на секој што ќе спаси мачка.

И останатите јапонски компании се свртија кон животните за намалување на стресот и напнатоста на работното место. Во јапонската подружница на фирмата „Oracle“, кучето со име Кенди стана нивен „амбасадор“, а задолжено е за дочекување на гостите и смирување на вработените.

Компанија за човечки ресурси „Pasona Grоup“, пак, си „вработи“ со полно работно време две кози во 2011 година, а потоа и две алпаки во 2013 година – делумно за терапевтски цели.

Токио има шеесетина кафулиња каде официјално се дозволени мачки, така што слободно си шетаат меѓу клиентите.

Супер идеја, нели?

М. А. | Црнобело

Би можело да ве интересира:

Мачка, која била исчезната 10 години, повторно е дома Алекс очајно ја барала својата мачка и лепела постери во 2009 година , но од неа...
Предмети во домот со кои вашата мачка „не се согласува најдобро“ Мачките се одлични миленици бидејќи не бараат многу нега и грижа. Воглавно, овие...
11 начини на кои вашата мачка потајно ви кажува дека ве сака Иако не можат да зборуваат и понекогаш изгледаат како да не искажуваат емоции, м...