Зошто вашата мачка понекогаш ве каса?

Ви се случило ли да ја галите вашата мачка и таа да преде и да ужива и одеднаш да реши дека треба да ве гризне?

Со ова се соочил секој што чувал мачка во својот живот. Секако, секој сопственик најдобро знае да го прочита однесувањето на сопствениот миленик, па така и да си одговори себе зошто мачката го каснала.

Но, постојат и неколку општи теории по ова прашање:

Мачките касаат за да покажат дека можат да се изборат со вашето заканувачко однесување. Не е познато како препознаваат закана во вашето галење, но сепак, тоа е мачка и точно знае што прави.

Секогаш кога вие преземате контрола врз некоја ситуација, вашата мачка е тука да ве потсети кој е газда кај вас дома.

Но, запомнете дека некогаш мачките гризаат за да побараат нешто од вас или за да воспостават комуникација. Исто така, може да ве каснат за да ве предупредат да престанете да ги галите (наместо едноставно да избегаат). Многу мачки се презаситуваат од галење и мораат да дадат до знаење дека тоа се случило.

Како да ја спречите мачката да ве каса?

Ако вашата мачка ве гризе затоа што бара нешто од вас, тогаш можеби треба да престанете да ја задоволувате желбата и со тоа да ја искорените оваа навика.

Подвикнете ѝ на мачката и казнете ја. Тие не ги разбираат вашите зборови, но секако препознаваат дали им се обраќате со налутен тон и точно знаат дека направиле нешто што не треба. Но, кога ќе бидат добри, треба и да ги наградите.

Што и да правите, бидете доследни, бидејќи само на тој начин ќе го воспитате своето милениче.

Може ли да бидете доведени во опасност?

Најчесто не, но не заборавајте дека иако се мали, забите на мачката се доволно силни за да кинат ткива и лигаменти.

Доколку при гризењето мачката ви направи рана, тогаш потребно е да отидете на лекар за да ја санира раната. Исто така, преку нивните заби, особено доколку јадат живо месо, мачките може да пренесат зарази и бактерии.

Следете ги трагите и доколку забележите промени, можно е да има потреба од посериозна лекарска интервенција.

Е. Д. | Црнобело