Каква храна смеете да ѝ дадете на мачката, а која не смеете по никоја цена?


Каква храна смеете да ѝ дадете на мачката, а која не смеете по никоја цена?

Нема ништо потрогателно од она кога мачката неодоливо ве гледа додека јадете, а вие сте подготвени да ѝ ја отстапите целата храна.

kakva-hrana-smeete-da-i-dadete-na-machkata-a-koja-ne-smeete-po-nikoja-cena-01.jpg

Но, она што треба да го имате на ум е дека не секоја храна која е добра за луѓето, е добра и за вашето милениче. Напротив, основна храна на мачката треба да биде храната која е специјално наменета за неа.

Сепак, некогаш можете да попуштите и да ѝ дозволите да вкуси и од вашата храна и тоа:

Месо

Во овој случај важи правилото дека ако не го јадете вие, не треба да ѝ го дадете ниту на мачката. Било да е свинско, пилешко или дивеч, треба да биде сварено и во мала количина.

Житарици

Многу мачки сакаат пченка, пченица и кафеав ориз, добро сварени и измешани во нивниот месен оброк. Никогаш не им давајте несварени зрна. Можете да ги послужите и со варена палента или кус-кус.

kakva-hrana-smeete-da-i-dadete-na-machkata-a-koja-ne-smeete-po-nikoja-cena-02.jpg

Риба

Доколку сака и прифаќа, можете на вашата мачка да ѝ давате добро зготвена риба или пак конзервирана. Но, тоа треба да биде 2-3 пати месечно. Живата риба не е добра идеја.

Јајце

Тврдо сварено јајце нема да ѝ наштети на вашата мачка, туку ќе ѝ биде и добар извор на протеини. Единствено може да не ѝ се допадне вкусот.

kakva-hrana-smeete-da-i-dadete-na-machkata-a-koja-ne-smeete-po-nikoja-cena-03.jpg

Зеленчук

Зеленчукот богат со растителни влакна ќе ја подобри дигестијата кај мачките. Она што може да биде проблем е што мирисот и вкусот воопшто не им се привлечни. Измешајте варен грашок или морков или брокула во месниот оброк.

Во никој случај не треба на мачките да им давате живо месо, јајца или риба, ниту пак сушено овошје. Штетни за нив се и кафето и газираните сокови, чоколадите и другите десерти, лук, кромид, јатки или неиспечено тесто. Што било од ова може да предизвика стомачни проблеми кај вашето милениче, па дури и да биде отровна за нив.

kakva-hrana-smeete-da-i-dadete-na-machkata-a-koja-ne-smeete-po-nikoja-cena-04.jpg

Е. Д. | Црнобело

Би можело да ве интересира:

На кои важни животни лекции може да ве научи вашата мачка? Иако за мачките се зборува дека не сакаат никој друг освен себе, тоа не е вистин...
Мачка, која била исчезната 10 години, повторно е дома Алекс очајно ја барала својата мачка и лепела постери во 2009 година , но од неа...
10 проверени начини со кои ќе ја натерате мачката да ве засака Мачките се познати како своеглави, мистериозни и резервирани суштества, но како ...