Добро е да се знае: Сигнали коишто ги дава кучето пред да нападне човек


Добро е да се знае: Сигнали коишто ги дава кучето пред да нападне човек

Причините за едно куче да се однесува агресивно може да бидат најразлични, но пред сè треба да внимаваме како се однесуваме кон кучето, односно да бидеме добро информирани за тоа како кучињата покажуваат знаци кои навестуваат агресија.

Signali-koisto-gi-dava-kuceto-pred-da-napadne-covek-01.jpg

Првиот показател којшто кучето ќе го употреби е обидот да се оддалечи од изворот на стрес. Ќе ги спушти ушите надолу и ќе си отиде. Доколку не му дозволат да си оди тоа ќе се припие кон телото на сопственикот и ќе ја подвие опашката. Ќе биде целосно скаменето и ќе гледа во еден правец. Но доколку и понатаму сме упорни и ги игнорираме овие знаци, кучето ќе почне да ’ржи.

Ржењето покажува предупредување и затоа не е добро да се казнува кучето што ’ржи, туку треба да се оддалечи од него. Покажување на забите и нивно притискање е уште еден знак којшто му претходи на каснувањето, а воедно тоа е и последниот знак за предупредување. Потоа следи каснувањето.

Секако, треба да се биде претпазлив во секое време, бидејќи кај некои кучиња преоѓањето од една во друга фаза на предупредување може да биде многу брзо, а кај некои ги нема вообичаените облици на предупредување.

Стручните лица предупредуваат дека казнување на кучето додека ’ржи доведува до прескокнување на сите сигнали на предупредување, па така брзо доаѓа до агресија.

Затоа не го казнувајте кучето кога е уплашено и кога ’ржи, туку препознајте ги знаците и дозволете му да се оддалечи од објектот на страв.

(О)Милена | Црнобело

Би можело да ве интересира:

Кучето на Лени Кравиц на преглед кај македонски ветеринар (фото) Пред концертот во Скопје, Лени Кравиц не престанува да ја истражува нашата метро...
Како да го спасите вашето куче во 6 чекори? Здравствените проблеми кај кучињата можат да се појават во секој момент. Доколку...
Запознајте ја Еклипс - Кучето кое само се вози со градски автобус (фото) Ова преслатко куче им го подобрува расположението на сите што ќе го сретнат, а д...