Нуркач „убедува“ октопод да го замени засолништето од пластична чаша со школка (видео)

Проблемот со загадувањето е толку сериозен, што веќе нема ден, а да не слушнеме нешто за тоа. Сепак, со секоја нова вест, сè повеќе и повеќе луѓе се обидуваат да направат нешто во врска со проблемот.

Според некои податоци, моментално, само во океаните пловат над 260.000 тони пластика. А, овој отпад не само што ја загадува водата, туку е штетен и за целиот морски свет.

Но, оваа приказна е позитивна и може да служи како пример за тоа како можеме да се грижиме за морскиот свет.

Неодамна се појави видео, на кое еден нуркач „убедува“ октопод да ја замени пластичната чаша што ја користи за заштита, со школка.

Нуркачот во видеото е Пол Сигурдсон од Исланд, кој редовно ги снима животните што ги среќава на неговите подводни авантури.

„Ова ни беше трето нуркање тој ден и веќе сите бевме уморни. Мојот партнер за нуркање ми прати сигнал со раката, кажувајќи ми дека нашол октопод и ме замоли да му помогнам“, изјави Пол.

Пол вели дека ова не е првпат да види октопод кој си направил засолниште од отпад. Октоподите се интелигентни животни и знаат како да ги користат ресурсите од нивната околина.

Но, октоподот на видеото е премногу мал и не знае дека пластичната чаша не му нуди никаква заштита. Поради тоа, Пол и неговиот партнер го поминале целото нуркање обидувајќи се да му помогнат.

На видеото се гледа како Пол му подава школка на малиот октопод, кој по некое време ја прифаќа и го менува своето засолниште.

Целото видео погледнете го во продолжение:

Извор