Без пчели ќе нема храна - Што ќе се случи ако исчезнат сите инсекти на планетата?
Спонзорирано од:
Спонзорирано од ОгласиЗаРабота.мк
SEO Specialist 26-10-2020


Без пчели ќе нема храна - Што ќе се случи ако исчезнат сите инсекти на планетата?

Бројот на пчелите, но и на сите инсекти драстично се намалува. Ако „истребувањето“ продолжи со ова темпо, во следните неколку децении ќе изгубиме 40% од сите инсекти на планетата.

bez-pcheli-kje-nema-hrana-shto-kje-se-sluchi-ako-ischeznat-site-insekti-na-planetata-01.jpg

Можеби мислите дека светот без комарци и муви би бил подобар, но исчезнувањето на инсектите ќе предизвика вистински хаос.

Инсектите се важен дел од нашиот екосистем, а во продолжение погледнете што ќе се случи ако еден ден исчезнат сите:

Без пчели ќе нема цвеќиња и храна

Неретко пчелите се нарекуваат најважните живи суштества на планетата, и тоа со причина.

Освен тоа што од нив добиваме мед, пчелите се главни „оплодувачи“ во животинскиот свет. Без поленот што го разнесуваат, производството на овошје и зеленчук ќе се намали за 30%. Истовремено, ќе исчезнат 90% од растенијата со цветови.

И покрај нивната важност, бројот на пчелите е намален за 30% само во последнава деценија. Најголемата закана за овој вид се климатските промени и хемиските пестициди.

bez-pcheli-kje-nema-hrana-shto-kje-se-sluchi-ako-ischeznat-site-insekti-na-planetata-02.jpg

И лебарките имаат важна улога

Без сомнение лебарките се помеѓу најомразените суштества на планетата. Покрај нивниот изглед, тие разнесуваат бактерии, предизвикуваат алергии и оставаат фекалии зад нив.

Но, науката вели дека само 20 видови од постоечките 3.500 им предизвикуваат проблеми на луѓето.

Кога се далеку од градовите, лебарките се храна за мали цицачи, птици и влекачи. Покрај тоа, тие консумираат материи што се распаѓаат, па нивните фекалии се полни со азот – клучен елемент за растенијата.

Па, без овие инсекти ќе настане нерамнотежа и во животинскиот, и во растителниот свет.

bez-pcheli-kje-nema-hrana-shto-kje-se-sluchi-ako-ischeznat-site-insekti-na-planetata-03.jpg

Мравките разнесуваат семиња

Кога ќе се земе предвид дека постојат помеѓу 1.000 и 10.000 милијарди мравки, мала е веројатноста дека ќе исчезнат. Но, без овие инсекти ќе настанат сериозни проблеми во целиот екосистем.

Постојат над 14.000 видови мравки и некои од нив ги разнесуваат семињата што паѓаат на земјата. Некои учествуваат во опрашувањето на цветовите, а некои служат храна за животните.

Покрај тоа, и мравките се хранат со материја што се распаѓа, па помагаат во чистењето на органскиот отпад.

bez-pcheli-kje-nema-hrana-shto-kje-se-sluchi-ako-ischeznat-site-insekti-na-planetata-04.jpg

Без муви ќе нема чоколадо

Мувите се инсекти со лоша репутација, но покрај сите лоши нешта, тие имаат и неколку добри карактеристики.

Ако исчезнат мувите, консумирањето и елиминирањето на мртвите животни ќе им остане само на бактериите и габите. Ова значи дека целиот процес на распаѓање ќе трае многу подолго.

Мувите помагаат и во опрашувањето, а еден вид е „задолжен“ за тропските растенија, како какаото. А сите знаеме дека без какао ќе немаме ни чоколадо.

bez-pcheli-kje-nema-hrana-shto-kje-se-sluchi-ako-ischeznat-site-insekti-na-planetata-05.jpg

Продолжува на следната страница...



Би можело да ве интересира:

Каква храна смеете да ѝ дадете на мачката, а која не смеете по никоја цена? Нема ништо потрогателно од она кога мачката неодоливо ве гледа додека јадете, а ...
Чување куче во стан: Што треба да знаете ако се одлучите на овој чекор? Кучињата се одлични миленици, но можат да бидат проблематични ако живеете во ста...
На кои важни животни лекции може да ве научи вашата мачка? Иако за мачките се зборува дека не сакаат никој друг освен себе, тоа не е вистин...

Најчитани неделава