Солзење и недостаток на влакна околу очите: 9 знаци дека треба да го однесете миленикот на ветеринар

За жал, кога нешто ги боли или чувствуваат дека не им е добро, милениците не можат гласно да ни го кажат тоа.

Но, има знаци и однесувања преку кои ви покажуваат. Само треба да знаете кога да интервенирате.

Напомена: Не секој од овие знаци е алармантен за секоја раса, но барем консултирајте се телефонски со ветеринарот ако забележите нешто од следните работи.

1. Секое солзење или повремено затворање на очите не е добар знак.

2. Претерано чистење на шепите или чешање со забите може да укажува на алергии, тумори или нетолеранција на одредена храна.

3. Претераното лигавење, посебно кај кучињата, може да биде предизвикано од труење, инфекции, стрес или заглавени предмети во грлото.

4. Тажната фацијална експресија треба да знаете да ја препознаете, но и да знаете дека може да биде знак за некаква траума, температура или настинка.

5. Неочекуваното губење на килограми треба сериозно да се надгледува и да се дијагностицира дали случајно миленикот има внатрешни паразити, рак или проблеми со срцето.

6. Чешањето е нормално, но честото и константно чешање може да укажува на алергии, дерматитис, иритации...

7. Губењето на крзното, односно влакненцата околу очите честопати укажува на проблеми со имунитетот.

8. Одбивањето за дружба или прошетка е уште еден знак со кој кучето или мачката ви покажува дека има болки во коските или шепите.

9. Константното тресење на главата и чешањето на ушите се знак за инфекција, алерија, повреди на главата или нешто заглавено во ушите.

М. Д. | Црнобело