Стоплете ги уличните мачки оваа зима - креветчиња од шишиња за вода

Една жена споделила одлично решение за уличните мачки кои треба да ја поминат зимата на отворено - креветчиња од големи пластични шишиња за вода што може да ги направи секој.

За жал, уличните мачки се проблем во многу градови ширум светот. Самите животни не предизвикуваат штета, освен што некои од нив знаат да залутаат во нечиј дом и да украдат малку храна.

Поголем проблем е тоа што бездомните мачки во градовите немаат со што да се хранат, ниту пак имаат топло место за спиење во текот на студените месеци. Затоа, нам ни останува колку-толку да им помогнеме.

Неодамна, една жена на Facebook споделила генијално решение за уличните мачки кои ќе ја поминат зимата надвор – удобни и топли креветчиња направени од големи пластични шишиња за вода, што може да ги направи буквално секој.

Големите пластични шишиња нудат одлична заштита од дожд, па дури и ветер, а за да ги направите поудобни треба само да ставите перниче или некоја мека ткаенина. Би било добро да се прицврстат со нешто потешко како не би летнале на првото посилно дување и да се направи непотребен отпад.

Бидејќи мачките сакаат да се засолнуваат во мали простори, ова импровизирано креветче е одлично нив. Истовремено, мачките се поиздржливи на ниски температури, па креветчето им е сосем доволно за да се стоплат, но и да се чувствуваат побезбедно.

А, од фотографиите што ги споделила жената, очигледно е дека и на мачките им се допаднала оваа идеја.

Спирова С. | Црнобело