Одговори на најчестите прашања за мачките: Зошто предат, зошто носат животинки, дали ве сакаат?

Мачките се идеални миленици за луѓето што немаат премногу време: независни се, нема потреба да ги шетате, а знаат да се галат и да ви покажат љубов на свој сопствен начин. Но, како да дознаете дали навистина ѝ се допаѓате на вашата мачка?

Оние што чувале мачки знаат дека тие може понекогаш да бидат и малку чудни со нивните невообичаени навики и непредвидливиот темперамент.

Дали некогаш сте се запрашале зошто мачките предат или зошто постојано ви носат мртви животинки и птици во домот? Дали индиферентниот поглед значи дека им се допаѓате или не?

Зошто си ги лижат шепите?

Во продолжение проследете ги одговорите на некои од најчестите прашања за мачките:

Дали ѝ се допаѓам на мојата мачка?

За разлика од кучињата, мачките се помистериозни и тешко е да процените дали навистина ве сакаат.

Сепак има неколку основни знаци што ќе ви укажат на тоа дека мачката со сигурност ве сака:

• Галење со главата – мачките најчесто го втриваат својот мирис само на луѓето што им се допаѓаат;
• Откривање на стомакот – ако мачката ви го покаже стомакот тоа значи дека во целост ви верува;
• Грицкање – иако може силно да гризнат, сепак вашата мачка може нежно да ве грицка на прстите за да ви покаже колку ве сака.
• Месење – Ако вашата мачка обожава да „ве меси“ тоа значи дека се чувствува смирено кај вас.

Доколку вашата мачка се крие од вас, бега, ве гризе силно или ви ’ржи – тоа може да значи дека не сте ѝ омилената личност.

За да ја придобиете нивната доверба може да се обидете да им давате храна, да бидете нежни со нив, да не бидете премногу бучни или да правите премногу гласни и ненадејни движења.

Исто така обидете се да седите до нив, а не да стоите над нив.

Доколку ништо од ова не помага, тогаш добро би било да посетите ветеринар за да откриете да не има некој друг проблем.

Зошто мачките предат?

Вообичаено се смета дека мачките предат само кога се задоволни, но тоа не мора да биде точно.

Во суштина зависи од мачката.

Тие се мошне индивидуални суштества, па така има разлика во предењето од мачка до мачка – некои предат гласно, а некои можете да ги слушнете само кога ќе им се приближите.

Понекогаш мачките можете да ги слушнете дека предат и кога одат на преглед кај ветеринар, па тогаш со сигурност не се ниту опуштени, ниту среќни.

Затоа се смета дека предењето на мачките на еден начин претставува повик „да се грижиме за нив“. Доколку постои разлика помеѓу предењето од среќа и предењето кога бараат да се грижиме за нив, таа сè уште не е разоткриена.

Зошто мачката носи мртви животинки?

Дали тоа што носи дома мртво глувче или птица значи дека ги уловила? Дали на тој начин сакаат да ви покажат колку се храбри?

Причините за ваквото однесување се поврзуваат со навиките што ги стекнале како мали, додека нивните мајки се грижеле за нив, па и ги учеле како да ловат.

Мајката често на почетокот знае да донесе мртва животинка и да им даде на своите малечки да јадат, а потоа ќе им донесе и живо глувче за да ги научи како да ловат.

Според мачките, луѓето не знаат да ловат, па затоа ви носат дома мртви животинки, за да ве научат да ловите како нив.

Некогаш, тоа според нив може да биде и подарок за вас, ви донеле храна.

Затоа, следниот пат кога мачката ќе ви донесе мртва или жива животинка, колку и да ви е гадно, обидете се да запомните дека во нивните очи тие прават нешто убаво за вас.

Продолжува на следната страница...