Емилија од Кочани: „Како животот ми се разубави откако си земав кученце од расата бишон фризе?“

Според мене не постои поубаво нешто од живот со милениче. Барем сама за себе знам дека не можам животот да го замислам без неа. Таа е веќе член, дел од фамилијата.

И покрај обврските, целата грижа околу неа не ми претставува никаков проблем. За возврат добивам неизмерна и искрена љубов. Го знаете оној поглед кој го добивате кога сте нервозни или тажни? Оној поглед полн со милост, надеж и љубов кој ви дава знак дека сè ќе биде во ред? Она чувство кога знаете дека некој нетрпеливо ве чека и ви се радува?

Лора е навикната на патувања и авантури, тоа го обожава од мала бидејќи постојано ја носам со мене. Имаме многу заеднички среќни и по некои тажни моменти.

Најсмешен момент беше првото летување на Лора, односно првото влегување во вода секако опремени со безбедносно елече за во вода. Најтажен момент ми е денот на стерилизација, бидејќи процесот на закрепнување беше долг и мачен како за неа така и за мене.

За начинот на исхрана немаме проблем таа е среќно и задоволно милениче, ја хранам со храна за стерилизирани кучиња, но секако обожава и грицки кои ѝ ги давам како награда. Таа има свој Инстаграм профил, славиме родендени, одбележуваме празници, заедно патуваме и уживаме.

Домашните миленичиња на многу луѓе им ја вратиле животната радост, чувството дека се потребни некому и некаде.

Сепак нив не им треба многу за среќа. Доволно е да ги сакате, да се грижите за нив и да ги храните. За возврат ќе ви дадат многу повеќе.

Повеќе фотографии од Лора:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

© CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело