Бон-тон правила за сопственици на мачки и кучиња – некултурните луѓе често ги забораваат

Кога викате гости, кажете им дека имате миленик

Ако некој првпат доаѓа во вашиот дом, препорачливо е да му кажете дека имате миленик.

Некои луѓе се алергични на животни, а некои навистина се плашат од нив.

Па, кога однапред ќе го спомнете миленикот, ќе можете да се договорите да се видите со личноста на друго место. 

Исчистете ги влакната пред да ви дојдат гости

Ако имате мачка или куче, имате и влакна на местата каде што лежи.

Сигурни сме дека редовно ги чистите овие влакна, но задолжително исчистете ги и пред да ви дојдат гости.

Никој не сака да си ја извалка облеката со влакна од мачка или од куче.

Не им дозволувајте на мачките и кучињата да ја душкаат храната за гостите

Без разлика што вам не ви пречи миленикот да ја душка храната што ја јадете, не дозволувајте да го прави тоа кога имате гости.

Вашиот миленик е само ваш, па некој друг сигурно нема да сака да му ја душка храната.

Исто така, не дозволувајте мачката да се качува на масата со храна кога имате гости.

Кога патувате со миленик, понесете ги сите неопходни работи

Ако одите некаде со друштво и сакате да го земете вашиот миленик, не заборавајте да ги понесете сите неопходни работи – храна за по пат, играчка, ремче за шетање, ќеси за измет…

На овој начин ќе се осигурите дека миленичето ќе биде мирно по пат и нема да им додева на останатите.

Научете го кучето како да се поздравува

Не дозволувајте кучето да им скока на другите луѓе, без разлика што го прави тоа од радување.

Како што веќе спомнавме неколкупати, некои луѓе се плашат од животни, а некои, едноставно, не ги сакаат.

Спирова С. | Црнобело