Една вежба со која ќе ја намалите болката во ‘рбетот (и да имате подобро држење на телото)

Ако ја повторувате вежбата секој ден, со текот на времето ќе почувствувате дека болката во ‘рбетот (но и во вратот) исчезнала, а вашето тело е поисправено од претходно.

Кога бевте мали сигурно ве нервираа коментарите да седите исправено, дека ќе се згрбавите или „свиткате како кифла“.

Но, денес сфаќате дека вашите родители, баби, па и наставниците биле во право.

Ако држењето на телото ви е искривено, можно е да чувствувате и болка во ‘рбетот.

За среќа, постои едноставна вежба, за која не ви требаат реквизити, туку само малку време и упорност, а со која ќе ја намалите болката, но ќе си го подобрите и држењето на телото.

Со оваа вежба ќе ги зајакнете и мускулите на грбот.

Како се прави?

Легнете на стомак, со лицето надолу кон подот. Полека кревајте го торзото нагоре колку што можете.

Рацете нека ви стојат покрај колковите.

Во оваа положба задржете се колку што можете подолго, бидејќи на овој начин се активираат најголем број мускули на грбот.

Кога ќе почувствувате напнатост, спуштете го торзото на подот.

Повторете ја вежбата 10 пати.

Ако ја повторувате вежбата секој ден, со текот на времето ќе почувствувате дека болката во ‘рбетот (но и во вратот) исчезнала, а вашето тело е поисправено од претходно.

Важно: Секоја недела зголемувајте го бројот на повторувања за 5, па втората недела правете по 15 повторувања на вежбата, третата недела 20 и сè така додека не дојдете до 50 повторувања на ден.

А. Ј. | Црнобело