Одберете го најдоброто време за вежбање

Ако мислите дека секој дел од денот е погоден за вежбање, грешите. Нема да ви наштети, но проблемот е во тоа што нашето тело поинаку реагира на тренингот наутро и на тренингот навечер. Добро е да го имате овој краток водич кој може значајно да влијае во вашиот дневен план за согорување калории.

Ако имате стресен состанок...

Ако ве чека важен состанок наутро, најдобро е тренингот да го направите пред него. Така, ќе го намалите стресот на телото, ќе се ослободите од тремата и ќе го дочекате состанокот со „чиста глава“, подготвени за предизвици. Веќе 15 минути после тренингот ќе се чувствувате целосно опуштено.

Ако имате проблеми со спиењето...

Доколку ве мачи несоница , вежбањето одложете го за крајот на денот. Притоа најдобро е да одберете јога или пилатес, бидејќи токму тие вежби ќе им го дадат потребниот мир на телото и умот. Со ваквиот режим ќе ги избегнете таблетите за спиење, а ќе се чувствувате и подобро.

Ако сакате да ги намалите килограмите...

Дали знаете дека луѓето кои трчаат пред појадокот согоруваат дури 20 отсто повеќе калории од оние кои по будењето прво посегнуваат по храната.

Ако сакате да ги стопите мастите добро е појадокот малку да го одложите. Вежбањето би требало во тој случај да ви биде прво на дневната листа со обврски. Тоа ќе ви го забрза метаболизмот, а со тоа и слабеењето.

Ако сакате да го спречите нападот на алергии...

Ако сте алергични на полен би требало да го избегнувате утринското трчање и одмор во природа бидејќи тоа може да ви ги засили симптомите. Најдобро е да го одложите вежбањето до вечерните часови или тренингот да го направите во затворена просторија.