Вежба за тело во времетраење од 60 секунди

Физичката кондиција и затегнување на телото не мора да ви одзема премногу време и пари, а тоа го докажува и оваа вежба која трае помалку од 60 секунди.

Кратките, честите и интензивните тренинзи ја поттикнуваат работата на мускулите, ги согоруваат калориите и ви го подобруваат здравјето исто како тоа што го прават вежбите со времетраење од 30 минути и повеќе.

Овој тренинг е совршен спој на кардиоваскуларни вежби и вежбите за затегнување.

Потребна ви е само 1 минута во денот:

Застанете на тој начин што стапалата ќе ви бидат рамномерно поставени со ширината на колковите. Откако ќе се наместите така, чучнете и рацете поставете ги паралелно со стапалата, од нивната надворешна страна. Скокнете и дочекајте се на земја во став за склекови.

Телото од глава до пети треба да формира права линија. Потоа повторно станете и скокнете колку што можете повеќе држејќи ги рацете во вис. Во текот на 60те секунди правете колку што можете повеќе скокови.

Доколку дочекувањето во форма на склекови ви се чини претешко, тогаш прво застанете на нозе, а дури потоа испружете се во таа форма правејќи права линија со телото.

Ако дочекувањето со склекови ви се чини прелесно, пред да продолжите со вежбата направете еден склек, а дури потоа завршете ја вежбата до крај.