Најголеми заблуди поврзани со јогата: Јогата е само за еластични и за жени

Иако јогата полека станува сѐ повеќе популарна, сепак сѐ уште можат да се чујат разни предрасуди поврзани со оваа дисциплина.

Сите кои се во потрага по внатрешен мир, здравје и кои сакаат повеќе да откријат за себе, јогата нуди разработен систем на вежбање, дишење и на ментален и духовен развој.

Но, погледнете кои се најчестите заблуди поврзани со јогата:

1. Јогата е само за еластични луѓе

Јогата често се прикажува со вежба во која телото на некоја личност е навистина во завидна положба и истата изгледа како акробатска, па затоа луѓето кои имаат вишок килограми или не се еластични сметаат дека не можат да вежбаат јога. Но, вистината е спротивна. Јогата е наменета за сите, а особено за оние кои не се еластични.

После само неколку месеци континуирано вежбање, вашето тело ќе покаже голем напредок и ќе се изненадите од резултатите.

2. Јогата е само за истегнување и опуштање

Тврдењето е точно, доколку од него го избришеме зборчето „само”. Јогата бара одредена сила и издржливост, како и внатрешна дисциплина која е потребна да го задржиме телото во одредена поза. Положбите во јогата ја развиваат свеста за нашето тело.

3. Јогата е бавна и здодевна

Во јогата не се затегнуваат мускули, нема трчање, нема натпревар, туку целта е човекот да созрее и да го открие својот внатрешен свет.

4. Јогата е религија

Како што ни спортот не е, така ни за јогата не може да се каже дека е религија. Таа е просто алатка со која се служиме за да се развиеме духовно. Тоа е начин на живот кој го одбираме, а за разлика од религијата, јогата не пропишува правила и забрани.

5. Јогата е само за жени

Традиционалната јога долги години била резервирана само за мажите. Но, точно е дека денес најмногу јога тренираат само жените, дури 72%. Вреди да се знае дека најголемите учители на јога се токму мажи.