Со јаже до совршена фигура: За половина час изгубете 370 калории

Прескокнувањето со јаже е еден од најдобрите начини за да се ослободите од вишокот килограми. Оваа едноставна опрема ќе ви овозможи интензивен тренинг со кој ќе го обликувате целото тело и од кој ќе имате многу придобивки. Само за 30 минути вежби со јаже може да изгубите 370 калории.

Прв чекор

Купете јаже кое одговара на вашата тежина и висина. Застанете на средина на јажето, а рачките истегнете ги кон рамената. Ако дршките не ви стигнуваат до пазувите, значи дека ви е кратко.

Втор чекор

Најдете вежби кои ви одговараат. Не е важно дали скокате со едната или со двете нозе, вежбата мора да ви биде згодна за да го одржите правилниот ритам. Скокањето на трева ќе ви го намали притисокот на колената.

Трет чекор

Почнете да скокате 1 до 2 минути, а потоа направете кратка пауза. Прескокнувањето јаже е интензивна вежба, па можно по 60 секунди да се изморите и да останете без здив. Кога ќе се случи тоа, направете пауза од 10 до 15, па продолжете со тренингот.

Четврти чекор

Секој втор ден вежбајте една минута подолго. Целта е да стигнете до 15 минути и таквиот тренинг да го правите двапати на ден.

Совет

Пред да почнете да вежбате со јаже, купете си и соодветна опрема. Одберете си облека која нема да ви пречи. Кратките маици се во ред, но широки маици со качулка може лесно да го попречат движењето на јажето.