10 знаци дека претерувате со вежбање и треба да одморите

Со желбата да изгледате совршено, подготвени за костимот за капење и долгите песочни плажи се одлучувате на напорни и долготрајни вежбања и тренинзи. Но, за жал работите не можете да ги доведете во најдобар можен ред по брза постапка.

Доколку почнете да претерувате и форсирате да направите што е можно повеќе чучнувања или стомачни нема да го постигнете ефектот за краток временски период, туку само ќе си наштетите на здравјето.

Ова се 10 сигурни знаци дека претерувате и на организмот му е потребен одмор:

1. Се борите самите со себе до крајот на тренингот

Доколку ви се случува по извесен период да не можете да издржите до крајот на тренингот и постојано се притискате и мотивирате до самиот крај, тоа значи дека претерувате со вежбањето. Уште при првите чувства на замор и мисли: „Ајде уште малку издржи“ знајте дека потребен ви е одмор.

2. Вашата мотивација варира

Станува збор за еден од најголемите и најочигледните знаци дека претерувате со тренирањето. Моментот кога вашата мотивација ќе започне да варира имајте на ум дека се преоптоварувате, а губењето на мотивацијата може да влијае и на останатите аспекти од вашиот живот.

3. Болка во мускулите

Сосема нормално е кога ќе започнете да тренирате и вежбате, да покрај заморот добиете и воспалени мускули и да чувствувате болка. Но, ако состојбата останува непроменета подолг период, а вие веќе со месеци вежбате, тогаш јасно е дека се преоптоварувате.

Ако болката трае и до 3 дена, тогаш сте преморени и потребно е да се одморите малку, бидејќи во спротивно можете да добиете сериозни повреди.

4. Во депресија сте

Докажан факт е дека вежбањето позитивно влијае на вашето расположение благодарени на тоа што преку него се покачуваат хормоните на среќата, но ако случајот кај вас е сосема спротивен тогаш имате само уште еден знак дека сте преморени.

Доколку забележите симптоми на депресија или нервоза во себе, потребно е итно да направите пауза од вежбањето. Тоа треба да ве прави среќни, а не разочарани.

5. Постојано сте уморни

Постојаниот замор е сигурен знак дека вие претерувате со вежбањето токму затоа што не му дозволувате на вашето тело да се одмори и регенерира.

Потребно е секогаш да правите минимум еден ден одмор од вежбање за вашето тело да успее да се врати во својата нормална состојба и да има доволно време и простор да се регенерира.

6. Постојано чувствувате жед

Жедта е уште еден сигурен знак дека сте преморени. Доколку постојано чувствувате жед, посебно во текот на вежбањето, тоа значи дека сте дехидрирани и дека ви е потребна пауза да внесете доволна количина на течности и да ги задоволите потребите за вода.

7. Често се повредувате

Склоноста кон повреди без разлика на тоа колкава е нивната големина, претставува сигурен знак дека веднаш мора да престанете со вежбањето.

Така можете само додатно да си ја влошите состојбата на организмот и да предизвикате потешки повреди кои можат да бидат со подрастични последици.

8. Имунитетот ви е ослабен

Ако често ви се случува да настинете или да бидете болни, тоа значи дека вашиот имунолошки систем е ослабен од форсирањето да ги завршите напорните вежбања.

9. Работата на срцето е забрзана

Забрзаниот пулс е сигурен знак дека нешто не е во ред со вашиот организам и дека се преоптоварувате. Покрај брзиот пулс, може да дојде и до појава на брзо губење на килограмите што исто така не е во ред за вашиот организам. Издвојте малку време за одмор.

10. Проблеми со сонот

Несониците се сигурен знак дека претерувате, а ако ви се случува да спиете 7 до 8 часа дневно и повторно имате чувство дека не сте се одмориле под итно престанете со вежбање. На вашето тело потребен му е одмор за да остане здраво и во добра состојба.