3 вежби за стегнати нозе кои се прават 3 минути пред спиење

Кој не сака да има совршено обликувани и витки нозе? Добрата вест е што сето тоа можете да го постигнете со вежбање само 3 минути на ден.

Следните неколку вежби најдобро е да ги практикувате навечер пред спиење. Доколку редовно вежбате и ги претворите истите во рутина како миењето заби пред спиење, за кратко време ќе ги забележите и првите резултати.

Мал совет: испечатете ги вежбите на хартија, закачете ги некаде во спалната соба и не дозволувајте ништо да ве спречи во желбата за вежбање.

1. V - растегнување

Раширете ги нозете колку што можете, исправете го грбот и свртете го целиот горен дел кон ногата која сакате да ја истегнете. Испружете ги рацете и обидете се да се спуштите на таа нога. Останете во ова положба 5-15 секунди.

Вратете се во центарот и свртете го телото на другата страна и истегнете ја другата нога. Секоја нога истегнете ја по 8 пати.

2. Раздвојување на нозете во воздух

Легнете на подот, со рацете исправени покрај телото и дланките свртени кон подот. Полека подигнете ги двете нозе во воздух, исправајќи ги додека не добиете агол од 90 степени со телото и подот.

Од оваа положба започнете со нежно раздвојување на нозете онолку колку што можете. Останете така 5-15 секунди и вратете се во првобитната положба. Повторете ја вежбата 8 пати.

3. Супермен

Легнете на стомак и истегнете ги нозете така што прстите на нозете ќе ги израмните со подот. Истегнете го телото како да сакате да дофатите со рацете нешто што се наоѓа далеку од вас.

Вдишете и кренете ја од подот левата рака и десната нога во исто време. Издишете долго и полека додека броите до 4. Вратете ги подигната рака и нога на подот и повторете ја вежбата со спротивна рака и нога. Повторете ја целата вежба 5 пати. 

М. С. | Црнобело