Блескав дом, витко тело: Колку калории трошиме во тек на пролетното чистење?

Наместо во теретана и со гладување, килограмите може да ги стопите и со редовното сезонско чистење на ентериерот, дворот и покуќнината. Идеално сценарио, нели?

Не го сакате чистењето на домот? Не сте единствени, со сигурност. Но, постојат повеќе причини поради кои постојаното чистење е здраво за телото и умот, а една од нив е и фактот што претставува одлична физичка активност.

Знаете ли дека со миење на прозорците, рибање на кадата, преместување на мебелот и движење низ домот додека ја чистите прашината, трошите стотина калории за само половина час? Летото е сè поблизу, а вежбите за тело се секогаш добредојдени, особено во овој облик.

Во продолжение, ви откриваме колку точно калории се трошат со 30-минутно извршување на 15 вообичаени домашни обврски (кај обата пола):

1. Метење на подот

Мажите трошат: 102 калории | Жените трошат: 87 калории

2. Чистење со правосмукалка

Мажите трошат: 111 калории | Жените трошат: 94 калории

3. Чистење на прашината

Мажите трошат: 66 калории | Жените трошат: 57 калории

4. Миење на садовите

Мажите трошат: 58 калории | Жените трошат: 49 калории

5. Исфрлање на ѓубрето

 Мажите трошат: 58 калории | Жените трошат: 57 калории

6. Средување на спалната соба

Мажите трошат: 223 калории | Жените трошат: 189 калории

7. Рибање на кадата

Мажите трошат: 124 калории | Жените трошат: 106 калории

8. Миење на прозорците

Мажите трошат: 149 калории | Жените трошат: 126 калории

9. Преместување на мебелот во дневната соба

Мажите трошат: 221 калории | Жените трошат: 189 калории

10. Метење на влезната патека

Мажите трошат: 133 калории | Жените трошат: 113 калории

11. Перење на автомобилот

Мажите трошат: 89 калории | Жените трошат: 76 калории

12. Наводнување на растенијата

Мажите трошат: 66 калории | Жените трошат: 57 калории

13. Косење на тревникот

Мажите трошат: 199 калории | Жените трошат: 170 калории

14. Отстранување на плевелот

Мажите трошат: 155 калории | Жените трошат: 132 калории

15. Складирање на зимската облека

Мажите трошат: 354 калории | Жените трошат: 302 калории

Пресметките на збирот ви ги препуштаме вам, зависно од времетраењето и типот на „вежби“ кои ги практикувате по дома.

Сами или во двојка, засукајте ги ракавите и започнете со „тренинг“ уште веднаш. За блескав дом и витко тело!

М. А. | Црнобело