8 вежби за истегнување кои може да ги правите без да станете од работното биро

Кога работите во канцеларија и по цел ден седите пред компјутер, веројатно и вие добивате желба малку да се истегнете и раздвижите.

Но, секако, во канцеларија пред колегите сигурно нема да шетате наоколу или да правите гимнастика.

Сепак, постојат неколку едноставни вежби кои можете да ги правите и без да станете од бирото и да се прекинувате со работата, а вашето тело нема да остане згрчено:

Истегнување на трицепсот

• Кренете ја едната рака и свиткајте ја во лактот како на сликата
• Со другата рака туркајте го лактот, а потоа сменете ги рацете

Наклонување на главата

• Седнете на столче и исправете го грбот
• Навалете ја главата на левата, па на десната страна, напред и назад
• Повторете неколкупати на сите 4 страни

Вртење на главата

• Свртете ја главата на левата страна колку што е можно повеќе
• Потоа свртете ја на десната страна
• Повторете неколкупати

Вртење на рамената

• Ставете ги дланките на рамената
• Вртете ги лактите нанапред
• Потоа повторете ги движењата во спротивна насока

Истегнување на градните мускули

• Испружете ги рацете на двете страни
• Соберете ги плешките туркајќи ги рацете наназад
• Повторете неколкупати

Тегнење нагоре

• Кренете ги рацете нагоре
• Држете го грбот исправен и тегнете ги рацете нагоре колку што можете
• Повторете неколкупати

Странично истегнување

• Кренете ја левата рака, а десната ставете ја на колкот
• Навалете го телото надесно и туркајте неколкупати
• Сменете ги рацете и повторете во спротивна насока

Вртење на телото

• Исправете ги рацете напред и вкрстете ги прстите на двете дланки
• Свртете го телото надесно, па потоа налево
• Повторете неколкупати

М. М. | Црнобело