Ако цел ден седите на компјутер: 5 јога пози за раздвижување на телото

Луѓето кои имаат канцелариска работа и седат пред компјутер цел ден, веројатно често имаат болки во мускулите.

Иако се препорачува да станувате на секој саат додека сте на работа, сепак поголемиот дел од време сте во седечка положба, па јогата е одличен начин да ги раздвижите згрчените мускули.

Со овие едноставни пози, ќе го освежите целото тело, ќе ја вратите правилната циркулација и ќе ги раздвижите згрчените мускули.

Планински врв

Планински врв е една од наједноставните пози во јогата. Откако ќе се наместите, ќе почувствувате истегнување во грбот, нозете и рацете.

Важно е додека сте во оваа положба да дишите длабоко и контролирано за да може телото да се наполни со кислород и да се врати циркулацијата.

Положба на мачка

Рацете поставете ги во ширина на рамената, а телото нека биде паралелно со подот. Додека ја кревате главата нагоре вдишувајте, а додека ја спуштате кон стомакот, издишете.

Оваа вежба ги активира мускулите за многу кратко време и го освежува мозокот.

Наведнување со раширени нозе

На прв поглед, оваа поза изгледа проблематично, но не е тешко да се направи. Застанете и раширете ги нозете во ширина на рамената. Земете воздух и спуштете се со главата кон подот, меѓу нозете. Грбот нека биде прав. Останете во оваа поза колку што ви е удобно.

Оваа поза ја враќа циркулацијата кон главата и ги истегнува мускулите на грбот кои се згрчени од долго седење.

Усукување на ‘рбетниот столб

Оваа вежба помага за целото тело, особено за ‘рбетот, а исто така и го смирува умот. Седнете на простирката и испружете ги нозете пред вас. Свиткајте ја левата нога и доближете ја до десниот колк. Со десната рака притиснете ја левата нога и свртете го телото надесно.

Истото повторете го на другата страна.

Положба на гулаб

Оваа положба може да биде малку непријатна, па затоа е важно добро да се наместите. Додека сте во положба на „планински врв“, кренете ја десната нога нагоре и ставете ја напред помеѓу рацете. Спуштете се  надолу со рацете и со главата и останете во таа положба 20 секунди.

Повторете го истото и со другата нога.

М. В. | Црнобело