5 едноставни вежби за грб кои ќе ви дадат чувство како да сте имале масажа

Вкочанетоста во грбот ќе исчезне само со дваесетина минути посветени на овие вежби. Потребна ви е само една столица.

Ако седите на работното место во фотелја по 8 часа на ден, тогаш голема е веројатноста да се соочувате со непријатност во грбот, болка и мускулна згрченост.

Доколку немате време за посета на пилатес и јога часови, како и масажи, тогаш овие 5 вежби се совршеното решение за вас:

Крилја на пеперутка

Седнете на крајот од столицата со исправен грб. Нозете нека ви бидат во линија со рамениците и стапалата комплетно на подот.

Ставете ги дланките на главата, а лактите убаво раширете ги. При вдишувањето, туркајте ги градите нанапред, а при издишувањето вратете се во стартната позиција на седење и раширете ги рацете.

Мачкин грб

Седнете на столицата како во првата вежба и дланките ставете ги на колената.

При вдишувањето максимално истегнете го грбот нанадвор, а рамениците нанапред. При издишувањето направете го спротивното со истегнување на рамениците наназад.

Јаже

Седнете исправено на страна на столицата (како на фотографијата).

Вдишете, а при издишувањето свртете ги рамениците на другата страна, обидувајќи се да го одржувате торзото непоместено.

Останете во ова позиција 30 секунди, вратете се назад и одново почнете. Потоа, од другата страна.

Балерина

Седнете со прав грб потпрени на столицата.

Со едната рака фатете се за столицата, релаксирајте го рамото да потоне, а кренете ја другата рака и туркајте на спротивната страна. Ќе почувствувате како мускулите ви се затегнуваат. Внимавајте да не го поместувате телото напред или назад и повторете на другата страна.

Птица

Седнете и прекрстете ја ногата така што глуждот на една нога ќе ви биде на коленото од другата.

Туркајте го телото напред и ќе почувствувате како градите ви се „отвораат“. Задолжително грбот нека ви биде прав. Позиционирајте се најдолу што можете и останете така 30 секунди, а потоа сменете ја ногата.

С. С. | Црнобело