3 совети како да вежбате здраво без да го истоштувате организмот


3 совети како да вежбате здраво без да го истоштувате организмот

Вежбањето е една од најважните навики со кои го одржуваме нашето тело во добра форма низ годините. Не само што ни помага да бидеме фит, вежбањето е основна алатка за добро здравје, виталност и одржување на висока ментална свест.

3-soveti-kako-da-vezbate-zdravo-bez-da-go-stareete-organizmot-2.jpg

Покрај сите придобивки, мора да се нагласи дека одредени вежби и некои тренинг навики може да влијаат деструктивно на човековиот организам, па наместо да ни помогнат да останеме здрави и витални, тие само го поттикнуваат процесот на стареење, кој секако е неминовен. 

Погледнете неколку совети кои ќе ви помогнат да вежбате на здрав и квалитетен начин, но и да го намалите ризикот од можни повреди при вежбање:

Лимитирајте ги тешките и интензивни вежби

Високо интензивните вежби кои се спроведуваат во кратки интервали се одлична вежба за брзо и ефикасно обликување на телото. Сепак важно е да напомене дека доколку премногу често практикувате ваков начин на вежбање постои голема веројатност да се префорсирате и повредите.

За да го навикнете телото на ваков интензитет потребно е да правите дводневна пауза помеѓу тренинзите. На овој начин му дозволувате на вашето тело да направи соодветна саморехабилитација и подготовка за следниот тренинг.

3-soveti-kako-da-vezbate-zdravo-bez-da-go-stareete-organizmot-3.jpg

Воздржете се од вежбање само на кардио вежби

Кардио вежбите  се корисни на многу начини, особено за здравјето на срцето и намалување на крвниот притисок. Меѓутоа, ако вежбате само кардио и ништо друго, придонесувате за побрзо стареење на организмот. Ова се објаснува со фактот дека кардио вежбите не помагаат многу при процесот на градење на мускулната маса, што е особено важно како што старееме.

При самиот процес на стареење губиме од постоечката мускулна маса, што пак го успорува метаболизмот и го ослабнува скелетот. Па, доколку сакате да  ја обликувата формата на правилен начин најдобро е во текот на неделата да имате два и пол часа умерена, аеробна кардио активност, но и најмалку тридневна активност за обликување и оформување на мускулната маса.

3-soveti-kako-da-vezbate-zdravo-bez-da-go-stareete-organizmot-4.jpg

Фокусирајте се на вежби со помало оптоварување

Како што минуваме низ годините така е потребно да практикуваме вежби кои му прават помало оптоварување на нашето тело.  Па така, на пример, пешачењето е неколку пати подобра варијанта од трчањето. Вежбањето кое прави поголем степен на оптоварување може да предизвика поголем ризик од абење на колкот, колената, пршлените, но и на дисковите.

Доколку сепак сакате поинтензивни вежби, најдобро е тоа да го правите во комбинација со тренинзи во кои има помал ризик од повреда. Неделата започнете ја со возење велосипед, продолжете со побрзо пешачење и на крај завршете со понапорен тренинг како џогирање и сл.

3-soveti-kako-da-vezbate-zdravo-bez-da-go-stareete-organizmot-5.jpg

С. У. | Црнобело

Би можело да ве интересира:

6 вежби за истегнување на телото заради кои нема да молите за масажа Дали и вие сте од оние кои постојано чувствуваат болка во телото и здрвеност, па...
Секси вежби за парови за зацврстување на целото тело Знаеме дека вежбањето и не им е омилена активност на сите. Тешко се наоѓа време,...
Вежби за рамен стомак и тенка половина кои може да ги правите без да станете од столче За да го донесете телото во одлична форма пред летото, треба да се потрудите око...

Најчитани неделава

sonovnik-sidebar.jpg