Едноставни и безбедни вежби за ослободување од стомачето по породувањето

Многу жени се соочуваат со тешкотии обидувајќи се да се вратат во форма по породувањето.

Најчесто, за делот околу стомакот е потребно најмногу труд и нега, за да успеете да го израмните, без да му наштетите на здравјето.

Многумина веруваат дека вежбите можат да придонесат за здравјето и убавината, но треба да не се форсирате и да се консултирате со стручно лице.

Во продолжение ви нудиме неколку вежби кои ќе ви помогнат да се ослободите од вишокот околу стомакот.

Вежба 1

Легнете на грб со рацете спуштени покрај телото. Подигнете ги нозете и држете ги исправено, околу 30 cm над земја.

Ако ви е тешко, почнете со една па со друга нога. Повторете 10-15 пати.

Вежба 2

Легнати на земја, свиткајте ги нозете во колената и поткренете ги, вртејќи како да возите велосипед.

Додека едната нога е свиткана нагоре, другата треба да биде исправена и обратно. Повторете 5 пати.

Вежба 3

Легнати на земја, со рацете покрај телото, кренете ги нозете нагоре исправувајќи ги под агол од 90 степени со телото и подот.

Полека поткревајте ги и рамениците и градите, држете неколку секунди и пак легнете. Ако ви е тешко на почеток, почнете со свиткани нозе наместо со кренати. Повторете 10 пати.

Вежба 4

Ако имате пилатес топка, легнете на грб, држејќи ги стапалата на подот со свиткани колена. Рацете ставете ги зад глава и полека поткренете ја главата и градите. Повторете 5 пати во 3 серии.

Вежба 5

Застанете потпрени на двете колена и на дланките со исправени раце. Полека подигнете ја левата нога паралелно, а истовремено исправете ја нагоре десната рака.

Останете така 3 секунди, вратете се во првобитна положба и сменете ги страните. Повторете 5 пати.

М. М. | Црнобело