Во топ форма на 43 години: Која е тајната за прекрасниот изглед на Шарлиз Терон?

Постои една среќна категорија на жени, кои како што стареат, така стануваат поубави. Меѓу нив, секако, припаѓа и русокосата оскаровка.

Занесната глумица, за која деновиве се говори дека е новата љубов на Бред Пит, успеа да ја сочува природната убавина, иако поради филмските улоги правеше драматични промени.

Како се одржува во топ форма и на 43 години? Еве која е тајната за прекрасниот изглед на Шарлиз Терон:

„Свежо цедени сокови, зеленчук и салати со сите видови на зеленило се секојдневно во мојата исхрана. Кога здраво јадам, доволно спијам и не пијам алкохол, не само што изгледам најдобро, туку и се чувствувам исто така. Дури и да сте природно слаби како мене, низ годините ќе почнете да забележувате дека телото ви е во опасност да испадне од форма.“

„За да го спречите ова, важно е везден да бидете активни, избирајќи го притоа „вашиот“ тип на активности. Јас се трансформирав со помош на пилатес, како однадвор, така и одвнатре. Секојдневно ги бројам, не калориите, туку движењата на телото.

Ако заклучам дека не сум се движела доволно во текот на денот, никогаш нема да си дозволам да јадам прекумерно. Искрена сум кон себе и тежнеам кон баланс во сѐ.“

„Верувам дека жените не би требало да бидат себични, туку меѓусебно да си ги делат тајните на нивната убавина. Искуството на другите многу вреди, а може да ве предупреди и за грешки. Сакам со вас да споделам една тајна наречена „рицинусово масло“.

Еднаш или двапати неделно ставам од маслото на косата и веѓите. Да не беше овој чудотворен лек, мојата платинеста коса ќе изгледаше трагично.“

M. A. | Црнобело