3 вежби за мажи со кои ќе ја спречите предвремената ејакулација

Предвремената ејакулација не е страшна појава, ако не се случува пречесто, но тоа не значи дека не треба да ја вежбате својата карлица со правилно избрани вежби.

Ако редовно вежбате, тогаш одвојте време од „билдањето“ на рацете и градите и посветете се токму на карличниот дел. Вежбите не се тешки, а сигурно ќе ви помогнат да ја засилите мускулатурата која што се наоѓа околу вашата машкост.

Освен што ќе спречите еректилна дисфункција, ќе го подобрите и својот перформанс во спалната соба:

Кегелови вежби за мажи

Начин: Три сетови од 30 повторувања, 3-4 пати неделно

Како да ги направите: Правете контракции на мускулите како да треба да го сопрете протокот на урина на една до две секунди. Користете ги карличните мускули.

Кревање тегови со колковите

Начин: Три сетови од 10 повторувања

Како да ги направите: Со горниот дел од грбот, односно со плешките, легнете на клупата. Поставете шипка со тегови со минимална тежина за почеток и не заборавајте да поставите и подлога за изолација меѓу вас и шипката. Кревајте ги колковите, додека се држите со плешките за клупата.

Клекнувања

Начин: Три сетови од 10 повторувања

Како да ги направите: Познатите „чучњевци“ се одлична вежба за зацврстување на карличните мускули. Застанете со стапалата поставени малку  пошироко од ширината на рамениците. Свиткајте ги колената и правете клекни-стани.

Е. Д. | Црнобело