Што ќе му се случи на вашето тело доколку одвоите 5 минути секој ден за позицијата plank?

Планк (plank) или уште познат како „абдоминален мост“ е одлична вежба за целото тело која штеди време. Најдоброто е што може да ја правите каде било и дава одлични резултати.

Експертите тврдат дека 5 минути во планк позиција дневно е идеално, но секако од почетниците не се очекува веднаш да го достигнат ова темпо. Започнете со пократки интервали на планк и секој нареден ден продолжувајте го за 5 секунди.

Доколку бидете упорни, еве што може да очекувате за 2 месеци:

Болката во грбот ќе престане

Доколку ја изведувате вежбата правилно таа на ниту еден начин не може да му наштети на ’рбетот. Всушност, ги зајакнува мускулите на грбот што го држат, помагајќи ви да се ослободите од болките во него. Меѓутоа, доколку имате посериозни проблеми со ’рбетот, консултирајте се со вашиот лекар или ортопед пред да се впуштите во планк позицијата.

Стомакот станува поцврст

Планкот е тип на вежба која е незаменлива кога станува збор за затегнување на стомачните мускули и нема негативни ефекти на грбот, за разлика од некои други вежби од сличен тип.

Се исправува држењето на телото

Има позитивен ефект врз држењето на телото и го олеснува исправеното. Ова ќе направи да изгледате неколку сантиметри повисоки, а грбот, рамената и вратот ќе ви бидат многу благодарни.

Ја подобрува флексибилноста

Флексибилноста е особина што може да биде да ви биде од голема помош во вашиот живот, без разлика дали мора да се наведнете за да соберете нешто од подот, да се протегнете до високата полица во кујната за да го дофатите кафето или да пробате нова поза со партнерот.

(О)Милена | Црнобело