Јога пози кои ќе ви ја олеснат болката предизвикана од ишијас


Јога пози кои ќе ви ја олеснат болката предизвикана од ишијас

 Лумбоишијалгија или ишијас е состојба на хронична болка во долниот дел на грбот, која може да се прошири кон должината на нозете. Оваа болка е честа во денешницата поради често и неправилно седење, кревање товар и заземање неприродни положби во поголемиот дел од денот. Како резултат на тоа, настанува приклештување на нервот ишијадикус, кој се протега од половината на телото кон стапалата.

Joga-pozi-koi-kje-vi-ja-olesnat-bolkata-predizvikana-od-ishijas-01.jpg

Редовната пракса на јога вежбите освен што доведува до ментално чистење и умствен баланс, резултира и со санирање на повредите во телото кои ги наметнува современиот начин на живот.

Особено позитивни резултати се покажуваат при страдање од болки во грбот, бидејќи редовното вежбање ги зајакнува мускулите кои се наоѓаат околу `рбетот. 

Доколку страдате од хронична болка во долниот дел од грбот или имате ишијас, овие неколку пози ќе ви помогнат да се ослободите и да ја намалите болката:

1. Supta Padangusthasana - влечење на стапалото кон градите

За правилно да ја изведете оваа поза, легнете на грб. Кренете ја десната нога исправено кон таванот и приближувајте ја кон градите. Внимавајте грбот да остане исправен на подот.

Доколку не можете да ја достигнете ногата, употребете лента. Левата нога останува исправена на подот. Повторете неколку пати со секоја нога.

Joga-pozi-koi-kje-vi-ja-olesnat-bolkata-predizvikana-od-ishijas-02.jpg

2. Bhujangasana - поза на кобра

Оваа поза ги зајакнува грбните мускули. Легнете стомачно и поставете ги дланките крај долните ребра. Вдишувајќи подигнете го горниот дел од телото притискајќи со дланките на подот.

Колковите и нозете остануваат залепени за подот. Задржете ја оваа поза неколку длабоки вдишувања и издишувања. Повторете неколку пати со паузи.

Joga-pozi-koi-kje-vi-ja-olesnat-bolkata-predizvikana-od-ishijas-03.jpg

3. Salabhasana - поза на скакулец

Вежба која го зајакнува задниот дел на телото. Легнете на стомакот со челото притиснато на земја и рацете покрај телото. Полека почнете да ги кревате главата, градите, рацете и нозете нагоре, на тој начин што ќе се потпирате само на стомакот.

Доколку сакате да направите напредна варијанта од оваа вежба, со дланките фатете ги зглобовите на нозете. Останете околу половина минута во оваа положба со изедначени вдишувања и издишувања.

Потоа, опуштете го телото и направете пауза. Повторете уште неколку пати. 

 Joga-pozi-koi-kje-vi-ja-olesnat-bolkata-predizvikana-od-ishijas-04.jpg

4. Setu Bandha Sarvangasana - мост

Со оваа вежба освен што го истегнувате грбот, ги вежбате и бутните мускули. Легнете на грб со свиткани колена нагоре. Внимавајте оддалеченоста на стапалата да биде колку широчината на вашата карлица.

Полека кревајте ја карлицата нагоре, а притоа внимавајте да не го виткате вратот и колената да останат во иста линија со вашите петици. Останете кратко во оваа положба, а потоа полека спуштајте го грбот.

Повторете неколку пати.

Joga-pozi-koi-kje-vi-ja-olesnat-bolkata-predizvikana-od-ishijas-05.jpg

5. Куче надолу

Уште една вежба која го истегнува грбот и ја ослободува болката. Застанете на дланките и стапалата како во позиција за склек. Полека префрлајте ја тежината на стапалата, при што дланките остануваат залепени на земја, а грбот е постојано исправен.

Не е важно петиците да ја допираат земјата. Останете во оваа позиција некое време, а потоа повторно вратете се во позиција на склек. Повторете неколку пати.

Joga-pozi-koi-kje-vi-ja-olesnat-bolkata-predizvikana-od-ishijas-06.jpg

6. Balasana - поза на дете

Финална поза за релаксирање на телото и истовремено истегнување на грбот и колковите. Застанете потпрени на дланките и на колената. Полека спуштајте го задникот кон петиците со исправен `рбет додека дланките остануваат залепени на подот, а рацете испружени напред.

Челото нека го допира подот, а рацете може да ги ставите покрај телото. Дишете длабоко и останете околу 5 минути во оваа позиција.

 Joga-pozi-koi-kje-vi-ja-olesnat-bolkata-predizvikana-od-ishijas-07.jpg

A. T. | Црнобело

Би можело да ве интересира:

6 вежби кои ги топат масните наслаги, а не ви треба дополнителна опрема Секој од нас сака да изгледа добро и да биде во форма, но ретко кој има време ил...
5-минутни вежби кои ги топат мастите околу стомакот За сите кои се борат со мастите во пределот на стомакот со години - ви помагаме ...
Трикови како да им ја вратите формата на вашите гради по слабеење Спуштените гради се нормална појава после слабеење, но многу жени се чувствуваат...