5 лесни вежби за сите кои не можат да одолеат на празничните трпези

Кифлички, руска салата и колачиња за Нова година, па рипче, гравче и пити за Бадник – јасно е дека никој не може да одолее на празничните трпези, но потрудете се барем  да вежбате.

Овие лесни вежби ќе ви помогнат колку-толку да се одржите во форма, или барем да не чувствувате голема грижа додека јадете за време на празниците.

Се прават лесно и не ви е потребна никаква опрема – одвојте само неколку минути во денот:

За раце и гради

Седнете на колена на подот како на илустрацијата, свиткајте ги рацете во лактите и ставете ги дланките една до друга.

Стискајте ги дланките силно една кон друга 10 секунди, а потоа кренете ги над глава споени. Останете така 5-10 секунди, па нежно спуштете ги до половина.

Повторете 10-15 пати со паузи од 30 секунди.

За стомак

Легнете на грб, нозете раширете ги, рацете испружете ги, а дланките ставете ги на стомак. Издишете и кренете ги нозете нагоре, а во исто време поткревајте го телото, носејќи ги рацете нанапред.

Повторете 10-15 пати.

За грб

Легнете на стомак, свиткајте ги рацете во лактите и ставете ги дланките пред глава. На издишување, кренете ги лактите и враќајте ги наназад, а рамената и грбот кревајте ги нагоре и враќајте се во почетна положба.

Повторете 10 пати.

За задник и колкови (со или без тегови)

Застанете исправено со раширени нозе двапати пошироко поставени од рамената. Вдишете и полека свиткајте ги нозете во колената и во исто време кревајте ги рацете настрана. Со издишување вратете се во почетна позиција.

Повторете 15 пати во 3 серии.

За цело тело

Застанете исправено со раширени нозе и малку свиткани во колената, а рацете ставете ги на половина.

Поткренете ги петиците од подот, додека истовремено ги ширите рацете настрана и ги виткате во лактите. Без да смените положба вдишете и кренете ги рацете нагоре, а кога ќе издишете вратете се во почетна положба.

Повторете 20 пати.

М. М. | Црнобело