8 јога вежби со кои ќе го подобрите држењето на вашето тело

Правилното држење на телото не е важно само за изгледот, туку и за вашето здравје.

Со правилно држење на телото, мускулите, коските и зглобовите се поставени на тој начин што го намалуваат притисокот на ’рбетот. Од друга страна, неправилното држење речиси сигурно води до главоболки, како и болка и вкочанетост во вратот и грбот.

Неправилното држење на телото е проблем со којшто се соочуваат многу луѓе, но има решение и за тоа.

Јогата е одличен начин да го поправите држењето на телото, а следниве едноставни вежби ќе ви помогнат во тоа:

Странично подигнување на нозете

Ова е вежба што го зајакнува долниот дел од телото, но и го подобрува држењето.

- Застанете исправено со дланките поставени на колковите.

- Префрлете ја целата тежина на десната страна, држете го грбот исправено и подигнете ја левата нога странично.

- Вратете ја ногата во почетната положба и повторете со другата.

- Направете 3 сета, со по 10 повторувања со секоја нога.

Доколку е потребно, можете да се придржувате на ѕидот.

Истегнување со свиткано колено

Со оваа вежба ќе ги истегнете рамената и градите, а може да ви помогне и со болката во долниот дел од грбот.

- Застанете исправено со раширени нозе.

- Свртете го левото стапало кон надвор.

- Кренете ги рацете странично колку рамената и држете ја главата исправена.

- Свиткајте го десното колено, а левата нога исправете ја и навалете се кон десната страна кревајќи ја левата рака.

- Нежно свртете ја главата кон левата дланка.

- Држете ја положбата 1 минута и вратете се во почетната положба. Направете 3 повторувања на двете страни.

Поза куче

Ова е уште една одлична вежба за рамената и градите.

- Застанете на сите 4 и осигурете се дека дланките и рамената се во иста линија, исто како и колената и колковите.

- Испружете ги рацете напред и спуштете ги челото и градите кон подот. Важно е да не чувствувате никаков притисок на вратот.

- Држете ја положбата 1 минута и бавно вратете се во почетната позиција.

- Направете 3 повторувања.

Положба мачка – крава

Оваа вежба помага за ’рбетот, ги истегнува градите и рамената и ја намалува напнатоста во вратот, торзото и рамената.

- Застанете на сите 4 и држете го грбот исправен.

- Спуштете го стомакот надоле додека ја кревате главата кон таванот.

- Потоа свиткајте го грбот нагоре и спуштете ја главата надоле.

- Повторувајте го движењето 1 минута.

Продолжува на следната страница...