Едноставна вежба со шише со која ќе го зацврстите целото тело

Според некои експерти, изведувањето на само една вежба може да биде многу покорисно од одењето во теретана еднаш неделно.

А, изгледа дека постои и совршената вежба, за која ќе ви требаат само пластично шише и 15-тина минути.

Наводно, оваа вежба е сè што ви треба за да ја добиете фигурата од соништата. Нормално, во комбинација со здрава исхрана.

На прв поглед, вежбата изгледа навистина едноставно. Веројатно си мислите дека секој може да држи шише помеѓу своите нозе.

Но, оваа вежба не само што ги активира внатрешниот и надворешниот дел на нозете, мускулите на задникот и стомачните, туку и го забрзува согорувањето на мастите, ги намалува отоците и го затегнува целото тело.

Како да ја направите вежбата?

- Земете пластично шише полно со вода. Колку е пошироко, толку подобро.

- Ставете го шишето помеѓу нозете, веднаш под препоните.

- Поставете ги нозете паралелно, што е можно поблиску една до друга.

- Со внатрешноста на нозете притиснете го шишето.

Можете да додадете и движење на горниот дел од телото – стегнете ги стомачните и виткајте го грбот кон напред и кон назад (како на илустрацијата).

Правете ги движењата бавно, без непотребно напрегање.

Разни нивоа на вежбање

Вежбата има три нивоа, и добро би било да ги направите сите.

Треба да ја менувате положбата на шишето, а колку пониско е поставено, толку е потешка вежбата.

1. Шишето е поставено високо меѓу нозете, веднаш под препоните.

2. Шишето е поставено помеѓу препоните и колената.

3. Шишето е поставено помеѓу колената.

Шишето всушност ќе ви треба само на почетокот, а неговата задача е да ви помогне да го почувствувате стегнувањето на мускулите.

После некое време ќе можете да ја изведувате вежбата и без шише.

Здравствени придобивки

Покрај очигледното зацврстување на телото и намалувањето на масните наслаги, оваа вежба ја намалува и болката во грбот. Истовремено, може да ублажи многу женски проблеми, како пролапс на матка, бидејќи ги зајакнува мускулите.

Вежбата значително ги зајакнува и мускулите во областа на стомакот, а ова ја подобрува работата на цревата.

Спирова С. | Црнобело