Лични фитнес тренери откриваат: Како до фит фигура како на ѕвездите?

Дејвид Кирш, тренерот на Кејт Аптон

Дејвид е тренер со искуство од 20-тина години, кој се обидува да создаде хармонија помеѓу телото и умот. Тој соработувал со неколку славни, вклучувајќи ја и Кејт Аптон.

Неговите препораки се:

• Поставете си јасни и реалистични цели за она што сакате да го постигнете.
• Најдете рутина во којашто ќе уживате.
• Пијте многу вода и воочете ја разликата помеѓу жед и глад.

Амаја Мендез, тренерот на Кристијано Роналдо

Амаја има соработувано со многу фудбалери, како што е познатиот Кристијано Роналдо. Според неа, сите мораме да обрнеме внимание на исхраната и секојдневната физичка активност.

Нејзините најдобри совети се:

• Почнете со загревање што ќе ја поттикне циркулацијата. Потоа правете вежби за мускули, па кардио вежби и завршете го тренингот со истегнување.
• Не ја заборавајте формулата за совршено тело: 80% исхрана, 15% тренинг и 5% одмор.
• Прескокнете ги десертите или заменете ги со овошје или јогурт.

Трејси Андерсон, тренерот на Алесандра Амбросио

Трејси е тренер и танчарка и покрај Алесандра, има соработувано со Џеј Ло и Жизел Бундшен. Таа прави комбинација од вежби и танцување, со што се активира целото тело.

Според неа, најважно е да обрнете внимание на следниве нешта:

• Менувајте ја рутината на секои 10 дена за да можете да се придвижите до целта.
• Правете вежби со ист интензитет за горниот и долниот дел од телото, за да направите пропорционална фигура.
• Никогаш не вежбајте со празен стомак и во теретана понесете малку темно чоколадо за да си ја вратите енергијата.

Никол Винхофер, тренерот на Мадона

Според Мадона, тренинзите на Никол ѝ помогнале да го добие телото од соништата. Никол е фитнес тренер, но нејзините програми за вежбање неретко вклучуваат и танцување.

Нејзините најдобри совети се:

• Телото нека ви биде приоритет и секојдневно работете на него.
• Одберете 3-4 песни што ви се допаѓаат и танцувајте на нив.
• Споделете ја вашата цел со некој пријател кој ќе ви ги даде потребните поддршка и мотивација.

Спирова С. | Црнобело