81-годишна бабичка од Германија е вистинска фитнес инспирација
„Ако барем малку можам да го променам стереотипот за старите луѓе дека се здодевни и неактивни, тогаш тоа ме прави среќна“, вели Ерика, инспиративната бабичка со младешки дух.
Ерика Ришко е 81-годишна бабичка од Германија која има две деца, едно внуче, и, изненадувачки за таа возраст, станала фитнес инфлуенсерка.
Таа вели дека доцна во животот започнала со фитнес, но сега го обожава вежбањето и постојано прикачува видеа од своите активности на социјалните мрежи.
„Многу сум почестена што помлади луѓе се инспирираат од мене. Ги сакам коментарите од типот дека сум им инспиративна, дека цел им е во животот да бидат како мене, па дури и на шега ме прашуваат дали може да бидам нивна баба“, изјави Ерика во шоуто „Good Morning America“.
„Ако барем малку можам да го променам стереотипот за старите луѓе дека се здодевни и неактивни, тогаш тоа ме прави среќна“, додава таа.
Ерика вели дека почнала активно да вежба дури во средината на 50-тите години од животот, кога ќерка ѝ ја запишала во локалниот фитнес центар бидејќи била осамена, откако двете деца ѝ се отселиле од дома.
Првите 5 години вежбала просечно, но потоа станала зависник од фитнес и во последните 20 години вежба двапати на ден, неколку дена во седмицата.
Видеа од инспиративната Ерика:
https://www.instagram.com/p/CGiN_vLl2ge/
С. С. | Црнобело
Би можело да ве интересира:
Препорачуваме
Најчитани неделава
