10 грешки при вежбањето поради кои не гледате резултати и го зголемувате ризикот од повреда

Не ја следите рутината

Кога ќе си го направите распоредот за вежбање, обидете се да се држите до него. Ако, на пример, денес треба да правите вежби за раце, но вам ви се џогира и одлучувате да го правите тоа, ќе ви треба повеќе време да стигнете до целта.

Премногу се форсирате

Можеби сакате да направите 20 склекови одеднаш, но ако не сте подготвени за тоа, немојте да се форсирате. Ако вашиот лимит се 10 склекови или стомачни, направете толку, па постепено зголемувајте го бројот на повторувања.

Ако се форсирате на секој тренинг, нема побрзо да стигнете до целта, туку само ќе го зголемите ризикот од повреди и следниот ден ќе чувствувате многу болка.

Не носите соодветна облека

Важно е да обрнете внимание и на облеката што ја носите. Најдобро е да носите облека од лесен материјал што ѝ дозволува на кожата да „дише“.

Ако сте женско, препорачливо е да носите и спортски градник кој ќе ви ја даде потребната поддршка. Истовремено, најдобро е да вежбате со потесна облека, како хеланки, за да имате поголема слобода на движење.

Не ги изведувате вежбите правилно

Ако вежбате дома, без тренер, осигурете се дека правилно ги изведувате сите вежби. Внимателно следете ги видеата или онлајн упатствата и обидете се да ја направите вежбата правилно. Во спротивно, го зголемувате ризикот од повреда и ја намалувате ефикасноста на вежбата.

Може да замолите некој од домашните да ве гледа додека ги правите вежбите и да споредува со оние кои ги гледате на видео.

Не го зголемувате интензитетот на вежбите

Како што напоменавме, ако сте почетници не треба да се форсирате, но со текот на времето мора да го зголемувате интензитетот на вежбите.

Кога ќе забележите дека некоја вежба ви е прелесна за изведување, почнете да правите повеќе повторувања, почнете да користите тегови, зголемете ја тежината (консултирајте се со стручно лице кој метод е најдобар за она што сакате да го постигнете).

Спирова С. | Црнобело