8 вежби за целото тело за кои ви треба само обична крпа

Вежба за нозе

Фатете ја крпата со двете раце и кренете ја над главата. Исправете го грбот и во исто време свртете го горниот дел од телото кон десно и кренете ја десната нога како на илустрацијата. После неколку повторувања, направете го истото на другата страна, со другата нога.

Вежба за задникот

Легнете на подот, свиткајте ги нозете и ставете ја крпата под стапалата. Поставете ги рацете покрај телото и подигнете го задникот. Со нозете турнете ја крпата кон напред, па вратете ја назад. Изведувајте ја вежбата побавно за да не се повредите.

Вежба за истегнување на нозете

Легнете на грб и свиткајте ги нозете. Фатете ја крпата од двете страни, кренете ја едната нога исправено и поставете го средниот дел на крпата на прстите од нозете, како на илустрацијата.

Со рацете влечете го стапалото кон вас сè додека не почувствувате затегнување во ногата. Држете неколку секунди, па повторете со другата нога.

Вежба за нозе

Застанете исправено – нозете треба да ви бидат во линија со рамената. Ставете ја крпата под едното стапало, па полека лизгајте ја кон назад. Свиткајте го другото колено и допрете го подот со коленото од задната нога. Потоа бавно вратете се во почетната положба. Направете неколку повторувања со двете нозе.

Спирова С. | Црнобело