Едноставни вежби со кои ќе ја намалите болката во стапалата + како да ја спречите

За да ги намалите болките во стапалата, треба да ги раздвижите, а во продлжение можете да видите неколку одлични вежби за таа намена. 

ednostavni-vezhbi-so-koi-kje-ja-namalite-bolkata-vo-stapalata-kako-da-ja-sprechite-nejzinata-pojava-01.jpg

Болките во стапалата се проблем со којшто се соочуваат многу луѓе. Причини за овие болки има безброј – од долго стоење и напорен тренинг, па сè до зголемена телесна тежина.

Ако имате многу силни болки кои никако не се намалуваат, секогаш е добро да се консултирате со лекар.

Во меѓувреме, можете да почнете со некои едноставни вежби кои не одземат многу време, а сепак можат да направат разлика.

Вежби за намалување на болките во стапалата

1. Истегнување на прстите: Седнете на стол со исправен грб. Прекрстете ја левата нога врз десната и со левата рака фатете го палецот од левото стапало.

Нежно движете го лево-десно и напред-назад неколку секунди. Повторете со другата нога.

2. Истегнување на листовите: Застанете пред ѕид и потпрете се на него со дланките и со исправени раце. Направете чекор напред со десната нога и почнете да го виткате коленото. Задната нога треба да остане исправена, а стапалото целосно на земјата и ќе почувствувате истегнување на листот.

Држете ја положбата од 15 до 30 секунди, па вратете се во првобитната положба. Направете по три повторувања со секоја нога.

3. Истегнување со крпа: Седнете на подот со исправени нозе. Фатете ја крпата од двете страни и средниот дел ставете го под стапалата (како на илустрацијата).

Нежно наведнете се напред додека ја влечете крпата со рацете, останете во положбата барем 15 секунди, па исправете се. Направете 2 до 4 повторувања.

ednostavni-vezhbi-so-koi-kje-ja-namalite-bolkata-vo-stapalata-kako-da-ja-sprechite-nejzinata-pojava-02.jpg

4. Раздвижување на прстите: За оваа вежба ќе ви требаат неколку џамлии. Ставете ги џамлиите на подот и со прстите од едното стапало пробајте да ги ставите во чаша или каков било сад. Потоа повторете со другото стапало.

5. Утринско истегнување: Наутро, пред да станете од кревет, раздвижите ги стапалата – почнете со кружни движења, а потоа истегнете ги кон напред така што ќе ги свиткате прстите надолу, па кон назад.

6. Масирање на стапалата: Седнете на стол со исправен грб и под едното стапало ставете тениско топче (можете да користите и шише полно студена вода која ќе ги намали отоците).

Со стапалото движете го топчето напред-назад 10-тина пати, па повторете со другата нога.

ednostavni-vezhbi-so-koi-kje-ja-namalite-bolkata-vo-stapalata-kako-da-ja-sprechite-nejzinata-pojava-03.jpg

7. Виткање на прстите: Седнете исправено и ставете ги стапалата на земјата. Малку подигнете ги прстите, свиткајте ги надолу и држете ја положбата неколку секунди. Потоа свиткајте ги нагоре и повторно држете неколку секунда. Повторете ја вежбата петпати.

8. Стоење на прсти: Застанете на работ на скалило, но само со предниот дел од стапалата. Можете да застанете на што било поткачено, само осигурете се дека ќе има за што да се држите.

Потоа спуштете ги петите под нивото на скалилото, држете неколку секунди, па застанете само на прсти и држете уште неколку секунди. Повторете 10 пати.

9. Вежба со крпа: На подот ставете крпа, стапнете врз неа со едното стапало и стегнувајте ги прстите за да ја стуткате крпата, како на илустрацијата. Држете 15-ина секунди, па повторете со другата нога. 

ednostavni-vezhbi-so-koi-kje-ja-namalite-bolkata-vo-stapalata-kako-da-ja-sprechite-nejzinata-pojava-04.jpg

Совети за намалување на ризикот од болки во стапалата

Носете ниски чевли со подебел ѓон. Удобните чевли се клучни за намалување на болките во стапалата. Добро би било да си купите и ортопедски влошки.

По вежбање, разладете ги стапалата. Во крпа ставете неколку коцки мраз и држете ја 10-тина минути на местата каде што чувствувате болка.

Избегнувајте да одите боси по тврди површини. По дома најдобро носете влечки, по можност ортопедски.

Не ги „подвиткувајте“ стапалата со ќебето. Кога спиете, потрудете се вашите стапала да имаат што е можно повеќе простор.

ednostavni-vezhbi-so-koi-kje-ja-namalite-bolkata-vo-stapalata-kako-da-ja-sprechite-nejzinata-pojava-05.jpg

Спирова С. | Црнобело

Би можело да ве интересира:

7 чести грешки во теретана поради кои не гледате резултати (и го зголемувате ризикот од повреди) Ако не ги поставите рацете правилно кога правите склекови, не само што нема да з...
8 чести грешки на кои треба да обрнете внимание кога правите чучнувања за да ги избегнете повредите Го искривувате грбот, не клекнувате доволно, ги кревате петите – сигурно правите...
Вежби за истегнување кои ќе ве спасат од болки во телото и вкочанетоста заради долго седење Можете значително да ги намалите болките и вкочанетоста во грбот, вратот, нозете...

Најчитани неделава

sonovnik-sidebar.jpg