„Истегнувањето не помага“ - Ослободете се од болките во вратот со 3 лесни вежби (видео)
„Болките во вратот настануваат како последица на неправилно седење, па само истегнувањето нема да помогне“ – вели оваа физиотерапевтка и покажува кои 3 вежби би можеле да ги направите доколку се соочувате со ваков проблем.
Речиси сите поминуваме долго време наведнати над мобилен телефон или седнати во неприродна положба пред телевизорот, а не сме ниту свесни за притисокот на вратот, сè додека не се почувствуваме вкоченето.
Повеќето од нас кога се соочуваат со болки и вкочанетост во вратот сметаат дека со истегнување ќе ја надминат непријатната ситуација, но според физиотеравтот Доктор Џен Фрабони тоа нема премногу да помогне.
„Во некои случаи истегнувањето може да помогне да се ослободите од напнатоста, но кога станува збор за вратот треба да знаете дека болката потекнува од долгото неприродно држење на телото (гледање во телефон или неудобно седење пред телевизор).
Затоа само истегнувањето на пределот што веќе е мошне чувствителен или вкочанет нема да ви помогне премногу“ – вели таа.
Според неа, треба да се активираат околните мускули, без воопшто да го поместувате вратот.
Вежбите што таа ги препорачува се мошне лесни, наликуваат на обични вежби за загревање, а брзо ќе ви помогнат да се ослободите од непријатното чувство.
Во приложеното видео погледнете кои три вежби ги препорачува таа за брзо ослободување од болките во вратот:
Б. С. Б. | Црнобело
Би можело да ве интересира:
Препорачуваме
Најчитани неделава
