Слатка одмазда: Бившиот ѝ велел дека не знае да готви, а таа успеала дури и слаткарница да отвори

Поранешниот маж на Кети Масунаж постојано ѝ зборувал дека не знае да готви и дека никогаш нема да научи. Но, после 25 години брак и одлуката во 2009 година да се разведе од него, Кети дошла на идеја да отвори своја слаткарница.

Уште поинтересно е тоа што го нарекла „Слатка одмазда“, бидејќи, како што кажува, нејзиниот успех е најслатка одмазда.

Кети почнала да работи во кујната на својот пријател, кој имал фирма за кетеринг.

Експериментирала со рецептите за капкејкс, па сфатила дека е многу талентирана за правење мали вкусни колачиња.

Прво започнала да ги продава на плоштад, под шатор, а сега има шестмина вработени, слаткарница и прави достава на нејзините слатки.

Неделно успева да разнесе 400 до 500 колачиња и торти.

Нејзините колачи се многу вкусни и популарни, а може да се најдат во најразлични вкусови со јаболко, путер од кикирики, чоколадо, сирење и пилешко.

Кети била гостинка и на некои емисии за готвење, а нејзината слаткарница „Слатка одмазда“ била претставена во неколку магазини.

За Кети, разводот значел нов почеток, а како што раскажува, бившиот и понатаму ја мотивира, но само за да биде уште подобра.

-Научив дека не треба да се плашам, особено ако го правам тоа што го сакам и во кое уживам. Да, повремено ми е ужасно тешко, но и понатаму ми е забавно.

Можеби можев да најдам подобра работа, да имам здравствено и пензиско осигурување, но едноставно секогаш знаев дека можам да го работам ова и сакав тоа да го докажам. Сега имам сè. – заклучила Кети.