Време за дремка во канцеларија – Зошто вреди да го следиме овој принцип од Финска?

Ако сте од оние кои сакате да дремнете додека сте на работа, тогаш Финска е идеална земја за вас.

Во Финска, работниците ги ценат предностите од добриот одмор и практикуваат кратки дремки за време на работното време.

Истражувањата докажуваат дека одморот е клучен за поголема продуктивност, па доколку ви се допаѓа идејата, прочитајте зошто би било одлично ако и ние го следиме овој концепт „на работа“.

Ова станува тренд кој брзо се шири во финското општество, заради што се намалува стресот, со што се зголемува продуктивноста.

Многу компании обезбедуваат тивки простории и соби за одмор каде работниците може да се релаксираат, па дури и кратко да дремнат.

Одморот им помага на работниците да се релаксираат, да се смират од стресот и напорната работа, како и за создавање посилни врски и пријателски односи помеѓу колегите.

Иако во многу земји спиењето среде ден се гледа како мрзливост, Финците ги рушат стереотипите и почнуваат да го ценат квалитетниот сон и одмор како клучен фактор за продуктивност, креативност и достигнување успеси.

Покрај тоа што практикуваат спиење во работни часови, финските компании полека се оттргнуваат од правилата за строго придржување кон класичното работно време и се фокусираат кон флексибилност, со што секој работник си го организира времето на доаѓање и одење самостојно.

Со оглед на тоа секој има различен распоред на спиење, ова им овозможува на работниците да си го добијат одморот кој им е потребен во текот на денот, а притоа со поголема леснотија и продуктивност да си ги завршат обврските.

M. M. | Црнобело / фото: depositphotos.com